Силвио Мариќ

Силвио Мариќ
Лични податоци
Роден на	20 март 1975 (50 г.)
Роден во	Загреб, СФРЈ
Држава	Хрватска
Висина	1,78 м
Играчки податоци
Позиција	среден ред
Повлекување	2006 (31 г.)
Кариера*
Репрезентација
Раководител на екипите
2022	Рудеш

Силвио Мариќ (роден на 20 март 1975 година, во Загреб) — хрватски фудбалски тренер и поранешен играч од средниот ред.

Клупска кариера

Својата фудбалска кариера Мариќ ја започнал во Динамо Загреб (тогаш познат под името Кроација Загреб) за кој дебитирал за првиот тим во сезоната 1992-1993. Откако во следната сезона бил испратен на позајмица во Сегеста со цел да стекне повеќе искуство, Мариќ се вратил во Динамо пред почетокот на сезоната 1994-1995 во која забележал само 8 настапи. Тој станал редовен стартер од сезоната 1995-1996, придонесувајќи за освојувањето на четири последователни титули во хрватското првенство за време на периодот 1995-1999.

На 4 февруари 1999 година, Мариќ потпишал за англискиот клуб Њукасл Јунајтед, во трансфер вреден 5.8 милиони долари.^[1] Дебитирал во Премиер лигата на 10 март за време на натпреварот против Нотингем Форест добиен во гости со 1-2. Во година и половина, колку што го носел дресот на „страчките“, тој одиграл вкупно 23 натпревари во Премиер лигата, без постигнат гол, забележувајќи само една асистенција (во победата со 4-3 на гости против Дарби Каунти). Својте единствени голови за Њукасл ги постигнал во Купот на УЕФА против швајцарскиот клуб Цирих.^[2]

Не можејќи да се избори за позначајна улога во Њукасл, во летото 2000 година, тој заминал во Португалија каде потпишал за екипата на Порто. Сепак, ниту таму не успеал да се наметне играјќи само 11 натпревари со два постигнати гола за време на сезоната 2000-2001. Со португалците, тој го освоил купот на земјата, иако во финалето добиено (0-2) против Маритимо останал неискористена замена.

Во 2001 година, Мариќ се вратил во Динамо со кој освоил уште едно првенство и еден куп, а потоа повторно направил трансфер во странство потпишувајќи за грчкиот клуб Панатинаикос во летото 2003 година.^[3] Таму останал две сезони, освојувајќи ги првенството и купот уште во првата година со зелените, по што се вратил во Динамо каде и ја завршил својата играчка кариера во 2006 година на возраст од 31 година.

Репрезентативна кариера

Во периодот 1995-1997, Мариќ бил репрезентативец на Хрватска под 21 година.

За сениорската репрезентација на Хрватска, Мариќ дебитирал на 30 април 1997 година, во натпревар од квалификациите за Светското првенство 1998 против Грција добиен во Солун со 0-1. Во вториот свој настап во дресот со државниот грб, тој го постигнал својот прв гол, во победата со 3-2 во Загреб над Босна и Херцеговина во истиот квалификациски циклус. Откако Хрватска се квалификувала за Мундијалот во Франција, Мариќ бил повикан и ја претставувал својата земја на првенството на кој коцкестите го освоиле бронзениот медал; тој забележал четири настапи на турнирот: против Јапонија и Аргентина во групата, против Германија во четвртфиналето и против Франција во полуфиналето.

Вкупно за репрезентацијата одиграл 19 натпревари и постигнал само еден гол.

Хронологија на репрезентативните настапи

Хронологија на настапи и постигнати голови за националната селекција ― Хрватска
Дата	Град	Домашни	Резултат	Гости	Натпреварување	Голови	Инфо	Детали
30-4-1997	Солун	Грција	0 – 1	Хрватска	Квал. за СП 1998	-	59'
6-9-1997	Загреб	Хрватска	3 – 2	Босна и Херцеговина	Квал. за СП 1998	1	78'
10-9-1997	Копенхаген	Данска	3 – 1	Хрватска	Квал. за СП 1998	-	75'
22-4-1998	Осиек	Хрватска	4 – 1	Полска	Пријателска	-	70'
29-5-1998	Пула	Хрватска	1 – 2	Словачка	Пријателска	-	67'
3-6-1998	Риека	Хрватска	2 – 0	Иран	Пријателска	-	72' 78'
6-6-1998	Загреб	Хрватска	7 – 0	Австралија	Пријателска	-
20-6-1998	Ланс	Јапонија	0 – 1	Хрватска	СП 1998 - Прва фаза	-	72'
26-6-1998	Бордо	Аргентина	1 – 0	Хрватска	СП 1998 - Прва фаза	-	51'
4-7-1998	Лион	Германија	0 – 3	Хрватска	СП 1998 - Четвртфинале	-	88'
8-7-1998	Сен Дени	Франција	2 – 1	Хрватска	СП 1998 - Полуфинале	-	70'
5-9-1998	Даблин	Ирска	2 – 0	Хрватска	Квал. за Евро 2000	-	51'
10-10-1998	Ла Валета	Малта	1 – 4	Хрватска	Квал. за Евро 2000	-
14-10-1998	Загреб	Хрватска	3 – 2	Македонија	Квал. за Евро 2000	-
28-4-1999	Севиља	Хрватска	0 – 0	Италија	Пријателска	-	51'
5-5-1999	Севиља	Шпанија	3 – 1	Хрватска	Пријателска	-	83'
7-9-2002	Осиек	Хрватска	0 – 0	Естонија	Квал. за Евро 2004	-	66'
12-10-2002	Софија	Бугарија	2 – 0	Хрватска	Квал. за Евро 2004	-	50'
12-10-2002	Софија	Бугарија	2 – 0	Хрватска	Квал. за Евро 2004	-	75'
Вкупно		Настапи	19		Голови	1

Титули

Клупски

Кроација Загреб/Динамо Загреб

Прва ХНЛ : 7

1992-1993, 1995-1996, 1996-1997, 1997-1998, 1998-1999, 2002-2003, 2005-2006

Куп на Хрватска : 5

1993-1994, 1995-1996, 1996-1997, 1997-1998, 2001-2002

Суперкуп на Хрватска : 2

2002, 2003

Порто

Куп на Португалија : 1

2000-2001

Панатинаикос

Суперлига на Грција : 1

2003-2004

Куп на Грција : 1

2003-2004

Наводи

↑ „Newcastle sign Croatia's Maric“. New Straits Times. Kuala Lumpur. Reuters. 5 February 1999. стр. 32. Посетено на 4 June 2015.
↑ Walker, Michael (21 October 1999). „Magpies lifted by magic of Maric“. The Guardian. London. Посетено на 9 November 2009.
↑ Panathinaikos pick up Maric - UEFA