Скала на моментна магнитуда

Скалата на моментна магнитуда или моментна скала (крат. СММ или MMS, се означува со симболот M_W) — скала во сеизмологијата што се користи за мерење и изразување на величината на еден земјотрес со оглед на ослободената енергија.^[1] Магнитудата (величината) се заснова на моментот на земјотресот, кој е еднаков на крутоста на Земјата помножена со просечното количество на слизнување на раседот и големината на слизнатата површина.^[2] Скалата е измислена во 1970-тите како замена за Рихтеровата скала (M_L). Иако формулите се различни, моментната скала ја задржува познатата последователност на величински (магнитудни) вредности утврдени во Рихтеровата. Оваа скала денес наоѓа сеопшта примена во Геолошкиот топографски институт на САД (USGS) при изразувањето на магнитудите на сите поголеми земјотреси во денешницата .^[3]

Симболот на скалата на моментна магнитуда е ${\displaystyle M_{\mathrm {w} }}$, со долен индекс ${\displaystyle \mathrm {w} }$ што значи извршена механичка работа. Моментата магнитуда ${\displaystyle M_{\mathrm {w} }}$ е бездимензионален број утвреден со

${\displaystyle M_{\mathrm {w} }=\textstyle {\frac {2}{3}}\log _{10}M_{0}-10,7}$

каде ${\displaystyle M_{0}}$ е магнитудата (величината) на сеизмичкиот момент во дински сантиметри (10⁻⁷ N·m).^[1] Константните вредности во равенката се одбрани за да се постигне усогласување со величинските вредности на другите скали, највеќе скалата на локален момент, т.е. Рихтеровата скала.

Како и кај Рихтеровата скала, порастот за едеен степен во овој логаритамскиот размер соодветствува на 10^1,5 ≈ 32-кратен пораст во количеството на ослободена енергија, а пораст од два степена соодветствува на 10³ = 1000-кратен пораст на енергијата.

Потенцијалната енергија е складирана во Земјината кора во облик на насобрано напрегање. При земјотрес, од оваа складирана енергија се претвора во:

• пукнатини и деформации во карпите
• топлина
• израчена сеизмичка енергија ${\displaystyle E_{s}}$.

Сеизмичкиот момент ${\displaystyle M_{0}}$ е мерка за изразување на вкупното количество на претворена енергија при земјотрес. Само мало делче од сеизмичкиот момент ${\displaystyle M_{0}}$ се претвора во израчена сеизмичка енергија ${\displaystyle E_{\mathrm {s} }}$, што е она што го востановуваат сеизмографите. Користејќи ја оваа проценка

${\displaystyle E_{\mathrm {s} }=M_{0}\cdot 10^{-4,8}=M_{0}\cdot 1,6\times 10^{-5},}$

Во 1995 научниците Чој и Боутрајт ја дефинирале „енергетската магнитуда“ ^[4]

${\displaystyle M_{\mathrm {e} }=\textstyle {\frac {2}{3}}\log _{10}E_{\mathrm {s} }-2,9.}$

• Рихтерова скала
• Меркалиева скала
• Геофизика
• Список на земјотреси
• Сеизмичка скала

• USGS: Мерење на земјотреси (англиски)