Сурутка

Сурутка
Цвик

Сурутка во стаклен сад по правењето на сирење
Хранлива вредност на 100 g (3.5 oz)
Енергија	112 kJ (27 kcal)
Јаглехидрати	5.14 g
Шеќери	5.14 g
Масти	0,36 g
Протеини	0.85 g
Витамини и минерали Минерали Количина %ПДВ† Калциум 4% 47 mg
Други состојки	Количина
Вода	93.12 g
†Процентите се проценети врз основа на препораките во САД за возрасни,[1] освен за калиум, кој се проценува врз основа на експертските препораки на Националните академии.[2]

Сурутка^[3][4] или цвик^[5][6] — течност што останува по згрутчувањето (коагулирањето) на млекото; тоа е нуспроизвод од производството на сирење или казеин и има повеќе комерцијални употреби. Сурутката се користи во производството на разни сирења и многу други производи за човечка исхрана. Исто така, служи како додаток во многу прехранбени производи, вклучувајќи леб, крекери и комерцијални колачи, како и добиточна храна. Белковините од сурутка се состојат првенствено од α-лакталбумин и β-лактоглобулин. Во зависност од начинот на производство, сурутката може да содржи и гликомакропептиди (GMP).

Белковината од сурутка која се одвојува од оваа смеса често се продава како додаток во исхраната. Ваквите додатоци се особено популарни во бодибилдингот. Течната сурутка содржи лактоза, витамини и минерали, како и масти во мали количини. Истражувачите од Лундскиот универзитет во Шведска заклучиле дека сурутката веројатно го стимулира ослободувањето на инсулин. Тие, исто така, откриле^[7] дека додатоците на сурутка може да помогнат во регулирањето и намалувањето на наглите зголемувања на нивото на шеќер во крвта кај луѓето со дијабетес тип 2 така што го зголемуваат лачењето инсулин.

• Алергии и нетолеранции на млеко (англиски)
• Whey Извори и списоци на храна за алергични на сурутка (англиски)
• Белковина на сурутка (француски)
• pansport.rs: Белковини из сурутке - све што треба да знате