Хавзипашини конаци

Хавзипашини конаци
Портата на Хавзипашините конаци во Бардовци
Општи податоци
Статус	музеј Културно наследство
Вид	дворец (конаци)
Стил	османлиска архитектура
Град	Бардовци, Скопје
Земја	Македонија
Координати	42°1′43″N 21°22′19″E / 42.02861°N 21.37194°E / 42.02861; 21.37194
Почната	XIX век

Хавзипашините конаци — коплекс на конаци во селото Бардовци крај Скопје. Објектот е вклучен во Списокот на Културно наследство на Македонија. Македонскиот филм „Големата вода“ бил снимен тука.

Изграден е на чифликот на Хавзи-паша во периодот помеѓу 1830 и 1845 година^[1]. Комплексот го сочинуваат три делови со згради и дворишта оградени со ѕидови од камен, засилени со осум одбранбени кули^[1]. Во средишниот двор се наоѓа селамлукот во кој престојувал пашата со машкиот дел од семејството. На источната страна бил харемлакот со женскиот двор во кој се наоѓала зграда за кујна и за послугата. Меѓу двата конака е ризницата за чување на богатството и оружјето на пашата, поврзана со дрвен мост. Крајниот дел е за економија, со коњушница и поило^[1]. Двата конака се симетрични со приземје и кат. Внатрешноста на зградите била украсена со боена декорација по ѕидовите и со тавани во резби.^[2]

Во 2009 година започнат е проект за обнова и реставрација на Хавзипашините конаци, каде што ќе биде сместен националниот филмски фонд на Кинотеката на Македонија. Хавзипашините конаци ќе имаат три дела, од кои едниот ќе биде депо за филмови, другиот мултимедијален со џебнокино и филмски музеј. Проектот го реализира Владата на Македонија и Министерството за култура^[3].

Денешна состојба

• 
  Кула до портата од Хавзипашини Конаци
• 
  Главната порта на Хавзипашини Конаци
• 
  Ѕидините на Хавзипашини Конаци фотографирани од надворешната страна
• 
  Кула и ѕидини на Хавзипашини Конаци фотографирани од надвор

Историски фотографии

• 
  Слика од Хавзипашините конаци во 1920-тите
• 
  Слика од Хавзипашините конаци во 1920-тите

• Управа за заштита на културното наследство Архивирано на 5 април 2016 г.

п р у Културно наследство во Општина Карпош Хавзипашини конаци (Бардовци)  • Црква „Св. Пантелејмон“ (Горно Нерези)  • Археолошко наоѓалиште „Скупи“ (Злокуќани)  • Куќа на ул. „Кнез Хацон“ бр. 2 (Карпош)  • Спомен-гробница на Кузман Јосифовски-Питу (Карпош)  • Скопски аквадукт (Скопје) • Историски архив (Тафталиџе)/div>

42°1′43″N 21°22′19″E / 42.02861°N 21.37194°E / 42.02861; 21.37194