Бардовци

Бардовци
Поглед кон селото Бардовци, од северните падини на Зајчев Рид
Бардовци Местоположба на Бардовци во Македонија Бардовци на карта
Координати 42°1′36″N 21°22′33″E / 42.02667°N 21.37583°E / 42.02667; 21.37583
Општина	Карпош
Население	2.291 жит. (поп. 2021)[1]
Шифра на КО	25907
Надм. вис.	270 м
Бардовци на Ризницата

Бардовци — село во Општина Карпош, во околината на градот Скопје.

Бардовци се наоѓа во северниот дел на Скопската Котлина во подножјето на Зајчев Рид од левата страна на реката Лепенец. Од центарот на Скопје е оддалечено 11 километри (во североисточен правец).

Во XIX век, селото е дел од нахијата Кара Даг во Скопската каза во Отоманското Царство. Според опширните османлиски дефтери за населението на Скопската Каза од 1832/33 година, селото било христијанско, со 16 христијански домаќинства. На овој попис биле забележани 44 мажи христијани, со 1 новороденчe. Се проценува дека селото во тој период имало 90 жители.^[2]

Стефан Верковиќ во 1857 го бележи со 288 жители.^[3]

Според статистиката на Васил К’нчов („Македонија, Етнографија и статистика“) од 1900 година, во Бардовци живееле 120 жители Македонски христијани. Според егзархискиот секретар Димитар Мишев, („La Macédoine et sa Population Chrétienne“) во 1905 година во Бардовци имало 88 егзархисти и 80 патријаршисти.

Во 1913 година, во селото биле евидентирани 274 жители. Било центар на Општина Бардовци.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 400 Македонци.^[5]

Во близината на Бардовци се наоѓа археолошкото наоѓалиште на античкиот град Скупи.

Поради тоа што во Бардовци последниве години се изградени прекрасни куќи и комплекси на куќи на познатите скопски стопанственици, јавни личности и политичари економската структура на населението на Бардовци е драстично променета.

Голем дел староседелското население се занимава со земјоделство. Во Бардовци најмногу се одгледува зелката, по која е и препознатливо селото. Покрај зелката застапени се и репката, цвеклото и пченицата.

	Приказна за судбината на богатите маж и жена Раскажана од жител на Бардовци на месниот скопско-велешки дијалект
Проблеми со пуштањето? Помош.

Според пописот од 2002 година, селото Бардовци брои 1472 жители,^[6] од кои:

• Македонци 1.432
• Роми 2
• Срби 31
• останати 7

Според последниот попис од 2021 година, во селото живеел 2.291 жител, од кои 2.075 Македонци, 9 Албанци, 8 Турци, 3 Роми, 5 Власи, 42 Срби, 1 Бошњак, 39 останати и 109 лица без податоци.^[7]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Бардовци е македонско село.

Според истражувањата од 50-тите на минатиот век, родови во селото се:

Ивановци (3 к.) доселени се од денес албанското село Сечишта кај Качаник (Косово). Го знаат следното родословие: Ристо (жив на 90 г. во 1950-тите) Пешо-Иван, предокот кој се доселил; Битолци (3 к.) доселени се од селото Жабјани, Пелагонија. Го знаат следното родословие: Стојан (жив на 86 г. во 1950-тите) Јован-Тале, кој се доселил со неговиот брат Ристе; Станчевци (5 к.) доселени се од некое село Баница кај Прилеп (?); Шалевци (6 к.) доселени се од селото Огњанци; Асанбеговци (1 к.) доселени се во XIX век од Асанбегово (сега Ченто); Анѓелковци (3 к.) родот го основал Анѓелко кој се доселил како сираче од Скопје; Мицевци (2 к.) доселени се од сега непостоечкото село Јазирци на Скопска Црна Гора; Крстовци (5 к.), Ѓурковци (2 к.), Богдановци (6 к.), Ѓоргијовци (2 к.), Стојановци (2 к.), Бошковци (1 к.), Велковци (3 к.) и Златановци (4 к.) доселени се во различен период од селото Визбегово; Трајчевци (1 к.) доселени се од селото Јурумлери; Кузмановци (4 к.) доселени се од селото Волково; Орманци (9 к.) доселени се во 1906 година од селото Орман, таму се викале Субашовци; Вичоровци (14 к.) доселени се околу 1906 година од селото Злокуќани, се претпоставува дека подалечно потекло имаат од околината на Качаник, Косово; Дарчевци (4 к.) и они се доселени од селото Злокуќани; Бошковци (2 к.) доселени се од селото Кучково; Мојсовци или Галичани (1 к.) доселени се во 1915 година од мијачкото село Лазарополе; Трипун Ѓоргијов (1 к.) доселен од селото Волково; Јазаџини (1 к.) доселени се од селото Бањане.^[12]

Во селото постои црквата „Св. Троица“ и основното училиште „Аврам Писевски“.

• Хавзипашини конаци

Археолошки наоѓалишта^[13]

• Зад Воденицата — осамен наод од римско време
• Чешма — осамен наод од римско време

Личности родени во Бардовци:

• Тихомир Атанасов (1924-1945) — македонски партизан
• Санде Бошковски (1925-1945) — македонски партизан
• Ѓорѓи Николовски (1925-1945) — македонски партизан

• ФК Лепенец, член на Третата македонска лига. Клубот е оформен во 1964 година.

• Бардовци на Ризницата ^?

п р у Населени места во Општина Карпош Урбани Влае I Влае II Долно Нерези Жданец Злокуќани Карпош I Карпош II Карпош III Карпош IV Козле Средно Нерези Тафталиџе I Тафталиџе II Трнодол Момин Поток Рурални Бардовци Горно Нерези