Христо Волканов

Христо Волканов
Роден	9 март 1874 Песочница, Битолски Вилает, Османлиско Царство
Починал	21 октомври 1905(1905-10-21) (возр. 31) Битола, Битолски Вилает, Османлиско Царство

Христо Стојанов Волканов — македонски просветен деец и револуционер, деец на ВМРО.

Волканов е роден во 1874 година во селото Песочница, во околината на Лерин. Тој е брат е на Константин Волканов. Во 1897 година завршил во машката гимназија во Солун, а во 1901 година Физико-математички факултет на Софискиот универзитет и станал учител во Сер. Се приклучил кон ВМРО и од 1902 до 1903 година бил член на Серскиот окружен револуционерен комитет^[1]. Добил место и како учител во Битола, каде во октомври 1905 година бил кукавички убиен од грчки терорист на излегување од куќниот праг. Како одговор на неговата смрт ВМРО ги убива претставниците на грчкиот комитет Тирче Танти и Михаил Папајани. Имал еден син со Ангелина Топалова, синот Христо Светиев род. Волканов. По смртта на Христо Волканов, браќата на Ангелина (која била од голема фамилија од Дебар, со потекло од Пешкопеја, денешна Албанија) ја мажат за Тодор Светиев, трговец од Битола чија жена починала на породување.^[2][3]