Црква „Св. Атанасиј“ - Дреновци

Местоположба
Свети Атанасиј

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Долненско-секиречка

Координати	41°28′23.8″N 21°32′40.5″E / 41.473278°N 21.544583°E / 41.473278; 21.544583
Место	Дреновци
Општина	Долнени
Држава	Македонија
Општи податоци
Покровител	Атанасиј Александриски
Завршено	XVII век
Архитектонски опис

Свети Атанасиј — манастирска црква на Дреновечкиот манастир.^[1]

Историја

Според своите димензии, архитектурниот стил и живописот, црквата се проценува дека била изградена во XVII век.^[2]

Архитектура

Градбата на црквата е еднокорабна, со правоаголна основа и се одликува по тоа што олтарскиот простор во источниот дел претставува засебен дел со помали димензии и има мала полукружна апсида на источната страна. Кон западната страна на храмот е прилепена камбанаријата којашто има квадратна основа и во горниот дел има по една монофора на секоја страна. Влезот на црквата се наоѓа на јужната страна и над него има ниша со фреска на Атанасиј Александриски. На надворшениот ѕид од засебниот олтарски простор има ниша со фреска во лоша состојба. Внатрешноста на црквата е живописана, а иконостасот е богат со икони и слики. Остатоци од првобитниот живопис единсвено се среќаваат во олтарскиот простор.^[2]

Галерија

Надворешност

Влезот на црквата
Источната страна со апсидата
Јужниот ѕид од олтарскиот простор
Апсидата
Камбанаријата

Внатрешност

Иконостасот
Фреска од првобитниот живопис
Фреска во лоша состојба

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.
↑ ^2,0 ^2,1 „Манастир „Свети Атанасиј“, село Дреновци“. OldPrilep. 27 мај 2013.