Црква „Св. Марина“ - Флацата

Света Марина
Αγίας Μαρίνας
40°32′17.3″N 21°3′36.9″E / 40.538139°N 21.060250°E / 40.538139; 21.060250
Место	врв Флацата кај Ошени, Костурско
Земја	Егејска Македонија, Грција
Вероисповед	Цариградска патријаршија
Архитектура
Завршена	1949
Управа
Архијерејско намесништво	Костурско
Епархија	Костурска

Света Марина (грчки: Αγίας Μαρίνας) — црква во Костурско, Егејска Македонија. Влегува во состав на Костурската епархија на Цариградската патријаршија.^[1]

Црквата е сместена во јужниот дел на врвот Флацата (1.081 м), близу границата со Албанија, североисточно над селото Крчишта и меѓу селата Ошени на југ и Косинец на север.^[1]

Храмот е подигнат во чест на победата на грчката владина армија над патизаните на ДАГ во решителната Битка на Грамошта (Грамос) во август 1949 г. со која е ставен крај на Грчката граѓанска војна. Во последната фаза на војната, Флацата била упориште владините единици.^[1]

Црквата е изградена во 1949 г. и првично го носела името „Пресвета Богородица“. Подигната е од војници од 4. чета на 565. баталјон, кои во тоа време биле во одбрана на Флацата.^[2] Осветена е на 30 септември 1949 г. од митрополитот Никифор Костурски.^[1]

Храмот е обновен во 1970 г. и преименуван во „Света Марина“ од заповедникот на XV дивизија Апостолос Бунотис. Црквата има независна камбанарија, и до неа има бетонски бункер од војната.^[1]

• Костурска епархија