Црква „Св. Марина и Св. Антониј“ - Сер

Свети Марина и Свети Антониј
Αγίων Μαρίνης και Αντωνίου
Црквата од запад
41°5′38.12″N 23°33′21.57″E / 41.0939222°N 23.5559917°E / 41.0939222; 23.5559917
Место	Сер
Земја	Егејска Македонија, Грција
Вероисповед	Цариградска патријаршија
Архитектура
Културнонаследна категорија	споменик на културата
Архит. тип	трикорабна базилика
Изградба	XIX век
Управа
Архијерејско намесништво	Серско
Епархија	Серско-нигритска

Света Марина и Свети Антониј (грчки: Αγίων Μαρίνης και Αντωνίου) — црква во градот Сер, Егејска Македонија. Влегува во состав на Серско-нигритската епархија на Цариградската патријаршија. Има улога на парохиски храм.^[1]

Црквата е сместена близу градските ѕидини, во маалото Запар Хане, на улиците „Етники Андистаси“ и „Агиос Андониос“. Првично била посветена само на Света Марина, а подоцна е додаден и Свети Антониј. Денес е попозната како „Св. Антониј“. На две мермерни плочи со крст е напишана годината на обнова на црквата — 1826. Во 1977 година при замена на дрвените столбови со бетонски се откриени делови од стариот средновековен храм на Света Марина. Внатре се чува десната ръка на светицата.^[1]

Градбата претставува трикорабна базилика со женска црква, типична за своето време.^[2]

Во 1990 г. храмот е прогласен за заштитен споменик на културата поради оригиналниот архитектонски стил и неговите украси.^[2]

Во парохијата влегуваат и „Св. Фотина“, „Св. Атанасиј и Св. Ефросинија“ и „Св. Никола“.^[1]

• Икони од храмот, денес во Серскиот црковен музеј
• 
  „Христос Спасител“
• 
  „Свети Василиј“, XVIII век
• 
  „Света Марина“, 1827 г.

• Серско-нигритска епархија

• Црква „Св. Марина и Св. Антониј“ - Сер на Ризницата ^?