Чамски јазици

Чамски јазици или познати како ачешко-чамски се австронезиски јазици, дел од подгрупата на сундско-сулавески јазици од групата на малајско-полинезиски јазици. Овие јазици се зборуваат во Ачех, Индонезија и во делови на Камбоџа, Виетнам, и Хајнан, Кина. Овие јазици потекнуваат од прачамскиот јазик, и истиот се поврзува со сахујунската култура. Тие дошле на територијата на денешен Виетнам од Борнео или можеби Малајскиот Полуостров.^[1]

Најголем јазик од оваа група јазици е ачешкиот јазик со 3,5 милиони говорници, а потоа следуваат џарајски со 230,000 говорници и чамски јазик со 280,000 говорници. Најсеверен јазик е цатскиот јазик кој се зборува на Хајнан во Кина со околу 3,000 говорници.

Чамските јазици имаат најстара пишана историја од сите австронезиски јазици. Натписите од Донг Јен Чау, напишани на старочамски, датираат од 4 век.

Поради големиот број позајмени зборови од бахнарските јазици (кои пак се австроазиски јазици), денес има голем број слични зборови помеѓу овие јазици.^[1][2]

Роџер Бленч (2006)^[3] забележува дека аслиските јазици имаат голем број чамски зборови, што покажува дека во минатото имало чамски говорници на Малајскиот Полуостров.

Грахам Тургуд (1999:36) ја дава следнава класификација на чамските јазици.^[1]

• ачешки јазик
• крајбрежни
  • харојски јазик
  • чамски јазик
    • западночамски
    • пан ранг чам
• горски
  • едејско-џарајски
    • едејски јазик (радејски)
    • џарајски јазик
  • чуруанско-северни
    • чуруански јазик
    • северночамски
      • роглајски јазик
      • цатски јазик

• Sidwell, Paul (2009). Classifying the Austroasiatic languages: History and state of the art Архивирано на 24 март 2019 г.. LINCOM Gmbh.
• Thurgood, Graham (1999). From Ancient Cham to Modern Dialects: Two Thousand Years of Language Contact and Change: With an Appendix of Chamic Reconstructions and Loanwords. Oceanic Linguistics Special Publications, No. 28, pp. i, iii-vii, ix-xiii, xv-xvii, 1-259, 261-275, 277-397, 399-407.

• За Чамските јазици на Ethnologue (англиски)