Затемнување на Месечината во јули 2018 година

Затемнување на Месечината во јули 2018 година

целосно затемнување
Целосно затемнување гледано од Орија, Италија 21:09 ч. UTC
Месечината минала низ средиштето на Земјината сенка.
Датум	27 јули 2018
Гама	+0,1168
Величина	1,6087
Траење
Целосност	102 м, 57 с
Делумност	234 м, 32 с
Полусенченост	373 м, 48 с
Допири (UTC) Ц1 17:14:49 С1 18:24:27 С2 19:30:15 Најголем 20:21:44 С3 21:13:12 С4 22:19:00 Ц4 23:28:39
← јануари 2018 јануари 2019 →

Целосното затемнување на Месечината на 27 јули 2018 г. се случило кога Месечината минала низ средиштето на Земјината сенка. Ова е прво средишно затемнување на Месечината од 15 јуни 2011 г. Претставува второто целосно затемнување на Месечината во 2018 г. по она во 31 јануари.

Затемнувањето се случило кога Месечината била на најголема далечина од Земјата, поради што таа изгледала помала од вообичаено (појава наречена микромесечина),^[1][2] и има најмала брзина во орбитата околу Земјата.^[3] Ова е најдолготрајното целосно затемнување на Месечината во целиот XXI век.^[3] Целосната затемнетост траела 1 час и 43 минути,^[4][5][6][7] што е само малку покусо од теоретската граница од 1 час и 47 минути.^[8] Месечината останала барем делумно во Земјината сенка четири часа.^[8]

Истовремено на ова затемнување, планетата Марс била на најмала можна оддалеченост од Земјата — совпаѓање кое се случува еднаш на 25.000 години.^[6]

Затемнување на Месечината се јавува кога таа ќе пристапи во Земјината сенка. Како што почнува затемнувањето, Земјината сенка отпрвин само малку ја затемнува Месечината. Потоа сенката постапно покрива повеќе, и Месечината добива темна црвенокафеава боја (или нешто поинаква, зависно од атмосферските услови). Црвеникавоста се должи на Рејлиевото расејување (истото што му дава црвена боја на залезот и сина боја на дневното небо) и прекршувањето на таа светлина од Земјината атмосфера во нејзината сенка.^[9]

Сјајноста на Месечината е преувеличена од сенката.^[9] Нејзиниот јужен дел бил најблиску до средиштето на сенката, што го прави најтемен и нацрвен на изглед.

Затемнувањето било целосно видливо од Источна Африка, Јужна Африка, Јужна Азија и Средна Азија, изгревајќи над Јужна Америка, Западна Африка и Европа и заоѓајќи во Источна Азија и Австралија.^[10]

• 
  Од Атина, Грција
• Од Екатеринбург, Русија
• 
  Нанѓинг, Кина, 18:25 ч. UTC
• 
  Асунсион, Парагвај 19:10 ч. UTC
• 
  Ретимно, Грција 19:14 ч.. UTC
• 
  Јоханесбург, ЈАР, 19:16 ч. UTC
• 
  Лимасол, Кипар, 19:27 ч. UTC
• 
  Ташкент, Узбекистан, 19:32 ч. UTC
• 
  Ерусалим, Израел, 19:33 ч. UTC
• 
  Eclipse with Марс, Фукуока, Јапонија, 19:46 ч. UTC
• 
  Краков, Полска, 20:05 ч. UTC
• 
  Челси, Австралија, 20:07 ч. UTC
• 
  Туен Мун, Хонгконг, 20:47 ч. UTC
• 
  Хујтинен, Финска, 21:05 ч. UTC
• 
  Грац, Австрија, 21:12 ч. UTC
• 
  Тулуза, Франција, 21:17 ч. UTC
• 
  Берлин, Германија, 21:19 ч. UTC
• 
  Торино, Италија, 21:19 ч. UTC
• 
  Хамбург, Германија, 21:23 ч. UTC
• 
  Брастад, Шведска, 21:24 ч. UTC
• 
  Леон, Шпанија, 21:27 ч. UTC

• Список на затемнувања на Месечината

„Затемнување на Месечината во јули 2018 година“ на Ризницата ?

• „Затемнување на Месечината на 27.7.2018“. Емитер. 26 јули 2018. (македонски)
• Милосковски, Јован (24 јули 2018). „Затемнување на Месечината и како да го фотографирате“. Скопско астрономско друштво. (македонски)
• Небесен дијаграм на затемнувањето на 27 јули 2018 г. — предвидување на Фред Еспенак од НАСА/ГСФЦ (англиски)