കോന്നി ഗ്രാമപഞ്ചായത്ത്
പത്തനംതിട്ട ജില്ലയിലെ കോന്നി താലൂക്കിൽ കോന്നി ബ്ളോക്കിലാണ് കോന്നി ഗ്രാമപഞ്ചായത്ത് സ്ഥിതി ചെയ്യുന്നത്.കോന്നി വില്ലേജ് പൂർണ്ണമായും ഭാഗികമായി കോന്നിതാഴം, മലയാലപ്പുഴ, ഐരവൺ എന്നീ വില്ലേജുകളിലുമായി വ്യാപിച്ചുസ്ഥിതി ചെയ്യുന്ന ഗ്രാമപഞ്ചായത്താണ് കോന്നി.[2]കോന്നി താലൂക്ക് ആസ്ഥാനമാണ് കോന്നി. ജില്ലാ ആസ്ഥാനത്തു നിന്നും 10 കിലോമീറ്റർ തെക്കുമാറി സ്ഥിതി ചെയ്യുന്ന കോന്നി 41.45 ചതുരശ്രകിലോമീറ്റർ വിസ്തൃതിയുള്ള സാമാന്യം വലിപ്പമുള്ള പഞ്ചായത്താണ്. 8-ാം നമ്പർ സ്റേറ്റ്ഹൈവേയായ പുനലൂർ-മൂവാറ്റുപുഴ റോഡ് കോന്നി പഞ്ചായത്തിലൂടെയാണ് കടന്നുപോകുന്നത്. അച്ചൻകോവിലാറാണ് പഞ്ചായത്തിലൂടെയൊഴുകുന്ന പ്രധാന നദി. അതിരുകൾപഞ്ചായത്തിന്റെ അതിരുകൾ തെക്കുഭാഗത്ത് അരുവാപ്പുലം പഞ്ചായത്തും വടക്കുഭാഗത്ത് പ്രമാടം, മലയാലപ്പുഴ പഞ്ചായത്തുകളും കിഴക്കുഭാഗത്ത് തണ്ണിത്തോട്, മലയാലപ്പുഴ പഞ്ചായത്തുകളും പടിഞ്ഞാറുഭാഗത്ത് പ്രമാടം പഞ്ചായത്തുമാണ്.[2] പേരിനു പിന്നിൽകോന്നി മുൻകാലത്ത് കോന്നിയൂരായിരുന്നു. കോൻ-ടി-ഊർ എന്ന തമിഴുവാക്കിന്റെ അർത്ഥം രാജാവ് പാർക്കുന്ന ഗ്രാമം എന്നാണ്. കോൻടിഊർ ലോപിച്ച് കോന്നിയൂരും തുടർന്ന് കോന്നിയുമായി. കോന്നിയുടെ പുരാതനചരിത്രം പന്തളം, പന്തളംരാജവംശം എന്നിവയുടെ പൂർവ്വചരിത്രവുമായി അഭേദ്യമാംവിധം ബന്ധപ്പെട്ടുകിടക്കുന്നു.[2] ഭൂപ്രകൃതികേരളത്തിന്റെ ഭൂപ്രകൃതിയനുസരിച്ച് മലനാടിന്റെ ഭാഗമാണ് കോന്നി. ഉയർന്ന മലനിരകളും താഴ്ന്ന പാടശേഖരങ്ങളും പലയിടങ്ങളിലായുള്ള പാറക്കെട്ടുകളും ചതുപ്പുനിലങ്ങളും വനവിഭവങ്ങളും പ്രകൃതിരമണീയതയും കൊണ്ട് അനുഗൃഹീതമായ പ്രദേശമാണ് കോന്നിയൂർ. അച്ചൻകോവിലാറിന്റെ ഇരുകരകളിലുമായി ഈ ഗ്രാമം സ്ഥിതി ചെയ്യുന്നു. കേരളത്തിലെ പ്രധാനപ്പെട്ട രണ്ടു ആനപിടുത്തകേന്ദ്രങ്ങളിൽ ഒന്ന് കോന്നിയിലാണ് സ്ഥാപിതമായിരിക്കുന്നത്.[2] ==അവലംബം==കോന്നി പഞ്ചായത്ത് ആസ്ഥാനത്തിലൂടെ സംസ്ഥാന പാത രണ്ടെണ്ണം കടന്നുപോകുന്നു 1 ,[SH-08] 2,[SH-80]
ഇതും കാണുകപുറമെ നിന്നുള്ള കണ്ണികൾ
|
||||||||||||||||||||||||||||||||||||||||||||||||||||
Portal di Ensiklopedia Dunia
