ആറാം സുസ്ഥിര വികസന ലക്ഷ്യം
ആറാം സുസ്ഥിര വികസന ലക്ഷ്യം (SDG 6 അല്ലെങ്കിൽ ആഗോള ലക്ഷ്യം 6) 2015-ൽ ഐക്യരാഷ്ട്രസഭ സ്ഥാപിച്ച 17 സുസ്ഥിര വികസന ലക്ഷ്യങ്ങളിൽ ഒന്നാണ്. "എല്ലാവർക്കും ജലത്തിന്റെയും ശുചിത്വത്തിന്റെയും ലഭ്യതയും സുസ്ഥിരമായ നടത്തിപ്പും ഉറപ്പാക്കുക" എന്നതാണ് അതിന്റെ ലക്ഷ്യം. [1]2030 എത്തുമ്പോഴേയ്ക്കും ഈ ലക്ഷ്യത്തിന് എട്ട് നേട്ടങ്ങൾ കൈവരിക്കാനുണ്ട്. ഈ ലക്ഷ്യത്തിലേക്കുള്ള പുരോഗതി അളക്കുന്നതിന് പതിനൊന്ന് സൂചകങ്ങൾ ഉപയോഗിക്കുന്നു[2] സുരക്ഷിതവും ചെലവ് താങ്ങാനാകുന്നതുമായ കുടിവെള്ളം ലഭ്യമാക്കൽ; തുറസ്സായ സ്ഥലങ്ങളിൽ മലമൂത്ര വിസർജ്ജനം അവസാനിപ്പിക്കൽ, ശുചിത്വം, ജലത്തിന്റെ ഗുണനിലവാരം മെച്ചപ്പെടുത്തൽ, മലിനജല സംസ്കരണം, സുരക്ഷിതമായ പുനരുപയോഗം, ജല-ഉപയോഗ കാര്യക്ഷമത വർദ്ധിപ്പിക്കൽ, ശുദ്ധജല ലഭ്യത ഉറപ്പാക്കൽ, IWRM നടപ്പിലാക്കൽ, ജലവുമായി ബന്ധപ്പെട്ട ആവാസവ്യവസ്ഥകളെ സംരക്ഷിക്കുകയും പുനഃസ്ഥാപിക്കുകയും ചെയ്യുക എന്നിവ ഈ ആറ് ലക്ഷ്യഫലങ്ങളിൽ ഉൾപ്പെടുന്നു. വികസ്വര രാജ്യങ്ങൾക്കു വേണ്ടിയുള്ള ജല-ശുചീകരണ പിന്തുണ വിപുലീകരിക്കുക, ജല-ശുചീകരണ പരിപാലനത്തിലെ പ്രാദേശിക ഇടപെടലുകളെ പിന്തുണയ്ക്കുക എന്നിവയാണ് നടപ്പാക്കൽ ലക്ഷ്യങ്ങളുടെ രണ്ട് മാർഗ്ഗങ്ങൾ[3][4]. 4.5 ബില്യൺ ആളുകൾക്ക് നിലവിൽ സുരക്ഷിതമായ ശുചിത്വം ഇല്ലെന്നാണ് ലോകാരോഗ്യ സംഘടനയുടെയും യുണിസെഫിന്റെയും ജോയിന്റ് മോണിറ്ററിംഗ് പ്രോഗ്രാം (ജെഎംപി) 2017-ൽ റിപ്പോർട്ട് ചെയ്തത്.[5] 2017-ൽ, ആഗോള ജനസംഖ്യയുടെ 71 ശതമാനം മാത്രമാണ് സുരക്ഷിതമായി കുടിവെള്ളം ഉപയോഗിച്ചത്. 2.2 ബില്യൺ ആളുകൾക്ക് ഇപ്പോഴും സുരക്ഷിതമായ കുടിവെള്ളം ലഭിക്കുന്നില്ല.. 2018-ൽ ജലമേഖലയിലേക്കുള്ള ഔദ്യോഗിക വികസന സഹായം (ഒഡിഎ) 9 ബില്യൺ ഡോളറായി വർദ്ധിച്ചു.[6] ആറാം സുസ്ഥിര വികസന ലക്ഷ്യം മറ്റ് സുസ്ഥിര വികസന ലക്ഷ്യങ്ങളുമായി (SDGs) അടുത്ത് ബന്ധപ്പെട്ടിരിക്കുന്നു. ഉദാഹരണത്തിന്, SDG 6-ലെ പുരോഗതി ആരോഗ്യവുമായി ബന്ധപ്പെട്ട SDG3 മെച്ചപ്പെടുത്തുകയും ഇത് SDG3 യെ പുരോഗതിയിലേക്ക് നയിക്കുകയും അതിലൂടെ മെച്ചപ്പെട്ട ആരോഗ്യം ഉയർന്ന സ്‌കൂൾ ഹാജരിലേക്കും നയിക്കുന്നു. കൂടാതെ SDG 4 ലെ പുരോഗതി വിദ്യാഭ്യാസത്തെ ഗുണനിലവാരമുള്ളതാക്കുന്നു. References
External links
|
||||||||||||||||||||
Portal di Ensiklopedia Dunia
