ചമ്പക്കുളം മൂലം വള്ളംകളി
കേരളത്തിലെ വള്ളംകളികളിൽ ആറന്മുള കഴിഞ്ഞാൽ ഏറ്റവും പുരാതനമായ വള്ളംകളിയാണ് ചമ്പക്കുളം മൂലം വള്ളംകളി. പമ്പാനദിയിലാണ് ഈ വള്ളംകളി നടക്കുന്നത്. മലയാള മാസമായ മിഥുനത്തിലെ മൂലം നാളിലാണ് ഈ വള്ളംകളി നടക്കുന്നത്. അമ്പലപ്പുഴ ശ്രീകൃഷ്ണ ക്ഷേത്രത്തിലെ വിഗ്രഹ പ്രതിഷ്ഠാദിനവുമായി ബന്ധപ്പെടുത്തിയാണ് ഈ വള്ളംകളി ചമ്പക്കുളം പമ്പാനദിയിൽ വർഷംതോറും നടത്തുന്നത്. [1] ക്രിസ്തുവർഷം 1545, മലയാളവർഷം (കൊല്ലവർഷം) 720-ൽ ആണ് മൂലം വള്ളംകളി ആരംഭിച്ചത്.[2] ഐതിഹ്യംചെമ്പകശ്ശേരി രാജാവായിരുന്ന ദേവനാരായണൻ രാജപുരോഹിതന്റെ ഉപദേശം അനുസരിച്ച് അമ്പലപ്പുഴയിൽ ഒരു ക്ഷേത്രം പണിതു. പക്ഷേ വിഗ്രഹത്തിന്റെ പ്രതിഷ്ഠയ്ക്കു മുൻപ് വിഗ്രഹത്തിന്റെ സ്ഥാപനത്തിനു തൊട്ടുമുൻപ് വിഗ്രഹം ശുഭകരം അല്ല എന്ന് അദ്ദേഹം അറിഞ്ഞു.ചെമ്പകശ്ശേരി രാജാവ് മറ്റൊരു വിഗ്രഹം കണ്ടെത്താൻ മന്ത്രി പാറയിൽ മേനോനെ ചുമതലപ്പെടുത്തി. കുറിച്ചി കരിക്കുളം പാർഥസാരഥീക്ഷേത്രത്തിൽ ലക്ഷണമൊത്ത വിഗ്രഹമുണ്ടന്നു കണ്ടെത്തി. കുറിച്ചി വലിയമഠം കുടുംബക്കാരുടേതാണ് ക്ഷേത്രം. ഈ വിഗ്രഹത്തിനു പകരം ചങ്ങനാശ്ശേരിക്ക് അടുത്തുള്ള കുറിച്ചിയിലെ കരിംകുളം ക്ഷേത്രത്തിൽ നിന്നും ശ്രീകൃഷ്ണ വിഗ്രഹം കൊണ്ടുവരികയാണ് പരിഹാരം എന്നും അറിഞ്ഞു. കുറിച്ചിയിലെ വിഗ്രഹം അർജ്ജുനന് ശ്രീകൃഷ്ണൻ നേരിട്ട് സമ്മാനിച്ചത് ആണെന്നായിരുന്നു വിശ്വാസം. അവരുടെ സമ്മതത്തോടെ വിഗ്രഹവുമായി മന്ത്രി മേനോനും സംഘവും വള്ളത്തിൽ യാത്രതിരിച്ചു. നേരമിരുട്ടിയാൽ കൊള്ളക്കാരുടെ ശല്യമൊഴിവാക്കാൻ മഠത്തിൽ ഷേത്രത്തിൽ വിഗ്രഹം ഇറക്കിവെക്കാൻ തീരുമാനിച്ചു.  കൃഷ്ണവിഗ്രഹം ഇട്ടിത്തൊമ്മന്റെ വീട്ടിൽ[3] മഠത്തിൽക്ഷേത്രം രാത്രി സുരക്ഷിതമല്ലെന്നു മനസ്സിലാക്കിയതോടെ ചമ്പക്കുളത്തു കോയിക്കരി മാപ്പിളശ്ശേരി ഇട്ടി തൊമ്മന്റെ വീട്ടിൽ കൃഷ്ണവിഗ്രഹം ഇറക്കിവെച്ചു. ദൂതൻ വഴി ഇക്കാര്യം ചെമ്പകശ്ശേരി രാജാവിനെ അറിയിച്ചു. പിറ്റേദിവസം മൂലം നാളിൽ ചെമ്പകശ്ശേരി രാജാവ് പരിവാരങ്ങളും നാട്ടുകാരുമായി വള്ളങ്ങളുടെ അക മ്പടിയോടെ മാപ്പിളശ്ശേരി വീട്ടിലെത്തി. അവിടെനിന്നു വിഗ്രഹം വാദ്യഘോഷങ്ങളോടെ അമ്പലപ്പുഴയിലെത്തിച്ച് പ്രതിഷ്ഠിച്ചു. രാജാവിന്റെ വരവിന്റെ ഓർമ്മയ്ക്കയി ഇന്നും അമ്പലപ്പുഴയിൽ നിന്ന് പ്രത്യേകസംഘം പാൽപ്പായസവുമായി മാപ്പിളശ്ശേരി വീട്ടിലെത്താറുണ്ട്. അവിടെ നിലവിളക്കുതെളിച്ചു പ്രാർഥിച്ചശേഷമാണ് ചമ്പക്കുളം ജലോത്സവം തുടങ്ങുക. വർഷങ്ങൾക്കു ശേഷം ഇന്നും ഈ ആഘോഷം ഉത്സാഹത്തോടെ പുനരവതരിക്കെപ്പെടുന്നു. ജലത്തിലൂടെയുള്ള ഒരു വർണാഭമായ ഘോഷയാത്രയും നിറപ്പകിട്ടാർന്ന രൂപങ്ങളും ദൃശ്യങ്ങളും വഹിക്കുന്ന വള്ളങ്ങളും വള്ളത്തിൽ കെട്ടിയുണ്ടാക്കിയ പ്രതലത്തിൽ നാടൻ കലാരൂപങ്ങൾ അവതരിപ്പിക്കുന്നവരും കാണികൾക്ക് ദൃശ്യവിരുന്നൊരുക്കുന്നു. വിവിധ വിഭാ‍ഗത്തിലുള്ള വള്ളങ്ങളുടെ മത്സരം വിവിധ ഘട്ടങ്ങളിലായി നടക്കുന്നു. രാജപ്രമുഖൻ ട്രോഫി1952-ൽ തിരു-കൊച്ചി രാജപ്രമുഖനായിരിക്കേ ചിത്തിര തിരുനാൾ മഹാരാജാവ് വള്ളംകളി കാണാനെത്തി. ഒന്നാംസ്ഥാനം നേടുന്ന ചുണ്ടൻ വള്ളത്തിന് അദ്ദേഹം രാജപ്രമുഖൻ ട്രോഫി ഏർപ്പെടുത്തി. അന്നുമുതൽ ചമ്പക്കുളം വള്ളംകളി രാജപ്രമുഖൻ ട്രോഫിക്കുവേണ്ടിയാണ്. കേരളത്തിലെ മറ്റ് പ്രശസ്തമായ വള്ളംകളികൾ
ഇതും കാണുകഅവലംബം
|
||||||||||||||||||
Portal di Ensiklopedia Dunia
