പത്താം സുസ്ഥിര വികസന ലക്ഷ്യം
"രാഷ്ട്രങ്ങൾ തമ്മിലുള്ള അസമത്വം കുറയ്ക്കുക" എന്ന ലക്ഷ്യത്തോടെ 2015 ൽ ഐക്യരാഷ്ട്രസഭ സ്ഥാപിച്ച 17 സുസ്ഥിര വികസന ലക്ഷ്യങ്ങളിലൊന്നാണ് പത്താം സുസ്ഥിര വികസന ലക്ഷ്യം.[1][2] 2030 എത്തുന്നതോടെ ഈ ലക്ഷ്യത്തിന് പത്തു നേട്ടങ്ങൾ കൈവരിക്കാനുണ്ട്. ഈ ലക്ഷ്യത്തിന്റെ പുരോഗതി സൂചകങ്ങളിലൂടെ അളക്കുന്നു. ആദ്യ ഏഴ് ലക്ഷ്യങ്ങൾ ഭാവിലക്ഷ്യങ്ങളാണ്. വരുമാന അസമത്വങ്ങൾ കുറയ്ക്കുക, സാർവത്രികമായി സാമൂഹികവും സാമ്പത്തികവും രാഷ്ട്രീയവുമായ പരസ്പര സ്വീകാര്യത പ്രോത്സാഹിപ്പിക്കുക, തുല്യ അവസരങ്ങൾ ഉറപ്പാക്കുകയും വിവേചനം അവസാനിപ്പിക്കുകയും ചെയ്യുക, സമത്വം പ്രോത്സാഹിപ്പിക്കുന്ന സാമ്പത്തിക സാമൂഹിക നയങ്ങൾ സ്വീകരിക്കുക, ആഗോള സാമ്പത്തിക വിപണികളുടെയും സ്ഥാപനങ്ങളുടെയും മെച്ചപ്പെട്ട നിയന്ത്രണം പ്രാപ്തമാക്കുക, ധനകാര്യ സ്ഥാപനങ്ങളിൽ വികസ്വര രാജ്യങ്ങൾക്കുള്ള പ്രാതിനിധ്യം വർദ്ധിപ്പിക്കുക, ഉത്തരവാദിത്തമുള്ളതും നന്നായി കൈകാര്യം ചെയ്യുന്നതുമായ വിദേശവാസ നയങ്ങൾ നടപ്പിലാക്കുക എന്നിവയാണ് ഭാവിലക്ഷ്യങ്ങൾ.[3] വികസ്വര രാജ്യങ്ങൾക്ക് പ്രത്യേകവും വ്യത്യസ്തവുമായ ചികിത്സ ഉറപ്പുവരുത്തുക, വികസിത രാജ്യങ്ങളിൽ വികസന സഹായവും നിക്ഷേപവും പ്രോത്സാഹിപ്പിക്കുക, കുടിയേറ്റക്കാരുടെ പണമിടപാടുകൾക്കുള്ള ചെലവ് കുറയ്ക്കുക എന്നിവ ശേഷിക്കുന്ന മൂന്നു നടപ്പാക്കൽ ലക്ഷ്യങ്ങൾ കൈവരിക്കാനുള്ള മാർഗ്ഗങ്ങളാണ്[2] ലക്ഷ്യം 10.1 എന്നാൽ "ജനസംഖ്യയുടെ താഴെയുള്ള 40 ശതമാനത്തിന്റെ വരുമാന വളർച്ച ദേശീയ ശരാശരിയേക്കാൾ ഉയർന്ന നിരക്കിൽ നിലനിർത്തുക" എന്നതാണ്. "പങ്കാളിത്ത അഭിവൃദ്ധി" എന്നറിയപ്പെടുന്ന ഈ ലക്ഷ്യം, കടുത്ത ദാരിദ്ര്യ നിർമ്മാർജ്ജനമായ SDG 1-നെ പൂർത്തീകരിക്കുന്നു. ഇത് ലോകത്തിലെ എല്ലാ രാജ്യങ്ങൾക്കും പ്രസക്തമാണ്.[4]2012-2017ൽ ദരിദ്രരുടെ വരുമാനത്തിൽ വർധനയുണ്ടായി. എന്നിരുന്നാലും, "ജനസംഖ്യയിൽ 40 ശതമാനം ആളുകൾക്ക് മൊത്തത്തിലുള്ള വരുമാനത്തിന്റെ 25 ശതമാനത്തിൽ താഴെ മാത്രമാണ് ലഭിക്കുന്നത്" എന്നത് പല രാജ്യങ്ങളിലും സർവ്വ സാധാരണമാണ്.[5]:12 2020ലെ ഒരു യുഎൻ റിപ്പോർട്ട് "പുരുഷന്മാരേക്കാൾ സ്ത്രീകൾ വിവേചനത്തിന് ഇരയാകാനുള്ള സാധ്യത കൂടുതലാണ്" എന്ന് ചൂണ്ടിക്കാട്ടി[6]:44 ഭിന്നശേഷിയുള്ള സ്ത്രീകളുടെ സ്ഥിതി ഇതിലും മോശമാണെന്ന് റിപ്പോർട്ടുകൾ വ്യക്തമാക്കുന്നു.[6]:44 References
External links
|
||||||||||||||||||||
Portal di Ensiklopedia Dunia
