ശരീരത്തിൽ മഞ്ഞ വരകളും ഉരസ്സിന് പിച്ചള നിറം കലർന്ന കറുപ്പു നിറവുമാണ്. ഇവയുടെ നീണ്ടു നേർത്ത വാൽ കറുപ്പു നിറമാണ്. വാലിൽ വെള്ളക്കുത്തുകളും അറ്റത്തായി വെള്ള പൊട്ടും കാണപ്പെടുന്നു. പെൺതുമ്പികൾക്ക് ആൺതുമ്പികളോട് സാദൃശ്യമുണ്ടെങ്കിലും അവയെ അപേക്ഷിച്ച് ഭംഗി കുറവാണ്. ഇടനാട്ടിലും വന മേഖലകളിലും ഇവയെ കാണാം. ചതുപ്പുപ്രദേശങ്ങളാണ് ഇവയുടെ വിഹാരമേഖല.[1][4][5][6][7]
ചെങ്കാലി പാൽത്തുമ്പിയിൽനിന്നും ഇതിനെ വേർതിരിക്കുന്നത് കുറുവാലുകളുടെ വലിപ്പവും രൂപവും നോക്കിയാണ്. ആൺതുമ്പിയുടെ മുകളിലത്തെ കുറുവാലുകൾക്ക് ഉദരത്തിലെ പത്താം ഖണ്‌ഡത്തിന്റെ പകുതി നീളമേ ഉണ്ടാകൂ. താഴത്തെ കുറുവാലുകൾക്കാകട്ടെ ഇവയുടെ നാലിരട്ടിയെങ്ങിലും നീളമുണ്ടാകും. എന്നാൽ ചെങ്കാലി പാൽത്തുമ്പിയുടെ മുകളിലത്തെ കുറുവാലുകൾക്ക് ഉദരത്തിലെ പത്താം ഖണ്‌ഡത്തിന്റെ അത്രയുംതന്നെ നീളമുണ്ടാകും. താഴത്തെ കുറുവാലുകൾക്കാകട്ടെ ഇവയുടെ ഇരട്ടിനീളവും.[4]
↑ കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
↑ 4.04.1C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
