ကော်ပီသီချင်း

ကော်ပီသီချင်း
ကော်ပီသီချင်းများ သီဆိုရာတွင် ထင်ရှားသော မြန်မာ အိုင်းရင်းခရော့စ် ဂီတအဖွဲ့
ဝေါဟာရသမိုင်း	"Copy song"
ဖန်တီးသူ သို့ ဇာတိ	ကာဗာသီချင်း မြန်မာ့ ဂီတ အနောက်တိုင်းဂီတ
ယဉ်ကျေးမှု ဇာတိ	၁၉၈၀ ခုနှစ်များ

ကော်ပီသီချင်း သို့မဟုတ် "ကော်ပီဂီတ" သည် ၁၉၈၀ ဆယ်စုနှစ် အစောပိုင်းတွင် အစပြုခဲ့သော မြန်မာနိုင်ငံရှိ ဂီတအမျိုးအစားတစ်ခု ဖြစ်သည်။ နိုင်ငံတကာသီချင်းများ၏ သံစဉ်နှင့် တီးခတ်မှုများကို မြန်မာစာသားအသံဖြင့် ပေါင်းစပ်ဖန်တီးထားခြင်း ဖြစ်သည်။ မူရင်းသီချင်းကို ပြန်လည်သီဆိုသော ကာဗာသီချင်းများနှင့် မတူသည်မှာ ကော်ပီသီချင်းတွင် သီဆိုသံနှင့် စာသားများကို မတူညီသော စီစဉ်ဖန်တီးမှုများပါဝင်သည်ဟု ကော်ပီသီချင်း ထောက်ခံသူများက ဆိုသည်။^[၁]

ကော်ပီသီချင်းအများစုမှာ မူရင်းစာသားနှင့် မတူညီသော အဓိပ္ပာယ်ဖြင့် ရှိကြသော်လည်း ကော်ပီသီချင်းအချို့မှာ မူရင်းစာသားအား တိုက်ရိုက်ဘာသာပြန်ဆိုထားခြင်းများလည်း ရှိသည်။^[၂][၃] ထို့အပြင် အနောက်တိုင်း အထင်ကရနေရာများအား မြန်မာ နေရာဒေသများဖြင့် ပြောင်းလဲထားသည်များလည်း ရှိသည်။^[၂] သုခမိန်လှိုင်၊ မင်းချစ်သူ၊ မောင်သစ်မင်းနှင့် ဝင်းမင်းထွေး စသော မြန်မာ တေးရေးဆရာများသည် ရုန့်ရင်းကြမ်းတမ်းသော၊ ညစ်ညမ်းသော စာသားများကို မြန်မာစာသားများအဖြစ် ပြောင်းလဲရာတွင် စကားလုံးအလှည့်အပြောင်း ပြုလုပ်သုံးစွဲရာတွင် ထူးချွန်သူများ ဖြစ်သည်။^[၂]

၂၀၂၃ ခုနှစ်အထိ အဆိုတော် ၁၄၀ ခန့်သည် ကော်ပီသီချင်း ၃,၀၀၀ ကျော်ကို သီဆိုခဲ့ကြသည်။ ရရှိနိုင်သော အချက်အလက်များအရ အဆိုတော်အဖွဲ့ ၂၂ ဖွဲ့၏ သီချင်းထက်ဝက်ခန့်မှာ ကော်ပီသီချင်းများ ဖြစ်ကြပြီး အိုင်းရင်းခရော့စ် ဂီတအဖွဲ့မှာ ထင်ရှားပြီး ကော်ပီသီချင်းပေါင်း ၆၆၀ ကို သီဆိုခဲ့သည်။^[၂]

၁၉၈၄ ခုနှစ် မြန်မာရုပ်ရှင် အချစ်လှေ ဇာတ်ကားတွင် ပလေးဘွိုင်းသန်းနိုင် သီဆိုခဲ့သော စိတ်ကူးယဉ်အိပ်မက် သီချင်းမှာ ဂျွန် လင်နွန်၏ "Imagine" သီချင်းကို တိုက်ရိုက်ကူးယူထားခြင်း ဖြစ်သည်။ ^[၂] တေးရေး နိုင်မြန်မာ၏ "ကမ္ဘာမကြေဘူး" သီချင်းသည်လည်း အမေရိကန် ရော့ခ်ဂီတအဖွဲ့ Kansas ၏ "Dust in the Wind" သီချင်း၏ ကော်ပီသီချင်း ဖြစ်သည်။^[၄]