ဝီကီပီးဒီးယား:စီမံခန့်ခွဲသူများ

မှတ်ချက်။ ဤနေရာသည် အက်ဒမင်များ (စီမံခန့်ခွဲသူများ)အား မေးခွန်းများ မေးမြန်းရန် နေရာ မဟုတ်သလို အက်ဒမင်အဖြစ် လျောက်ထားရန် နေရာ လည်း မဟုတ်ပါ။

ဤစာမျက်နှာသည် မြန်မာဘာသာ ဝီကီပီးဒီးယား မူဝါဒစာမျက်နှာတစ်ခု ဖြစ်ပြီး စံနှုန်းအဖြစ် သတ်မှတ်ထားကာ တည်းဖြတ်သူများ အားလုံးအနေဖြင့် လိုက်နာရမည်ဖြစ်သည်။ ဤမူဝါဒကို ပြင်ဆင်ပြောင်းလဲမှုများသည် အများသဘောဆန္ဒဖြင့်သာ ပြုလုပ်ရမည်။

အတိုကောက်များ

ဤစာမျက်နှာကို တိုတိုပြောရလျှင်: စီမံခန့်ခွဲသူများ သည် မြန်မာဝီကီပီးဒီးယားရှိ အချို့သော ကိရိယာများကို ကိုင်တွယ်အသုံးပြုနိုင်သည့် ယုံကြည်စိတ်ချရသော အသုံးပြုသူများ ဖြစ်ကြသည်။ သူတို့သည် စံနှုန်းမြင့် ကျင့်ဝတ်များကို လိုက်နာကြရကာ ကိရိယာများကို မျှမျှတတ အသုံးပြုကြရပြီး အငြင်းပွားမှုတစ်ခုတွင် အသာစီးရရန် ထိုကိရိယာများကို မည်သည့်အခါတွင်မှ အသုံးမပြုကြရပါ။

စီမံခန့်ခွဲသူများ (အက်ဒမင်များ ဟုလည်း ခေါ်ဆိုကြသည်) ဆိုသည်မှာ အသုံးပြုသူများဖြစ်ပြီး ဝီကီပီးဒီးယားကို ကောင်းမွန်စွာ လည်ပတ်နိုင်စေရန်အတွက် အထူးကိရိယာများကို အသုံးပြုနိုင်သူများ ဖြစ်ကြသည်။ လူမှုအဖွဲ့အစည်းမှ ယုံကြည်သည့်အတွက် ထိုကိရိယာများကို အသုံးပြုနိုင်ခြင်းဖြစ်ပြီး ထိုအချက်သည် အခြားသူများထက် ပိုမိုသာလွန်စေခြင်း သို့မဟုတ် ပိုမိုအရေးပါစေခြင်း မဟုတ်ပါ။ စီမံခန့်ခွဲသူအခွင့်အရေး ရရှိထားခြင်းကြောင့် စီမံခန့်ခွဲသူတစ်ဦး၏ အမြင်သည် အခြားသော ဝီကီပီးဒီးယား အသုံးပြုသူ (ဥပမာ အိုင်ပီလိပ်စာဖြင့် အသုံးပြုသူ) တစ်ဦး၏ ဝီကီပီးဒီးယားကို ပြောင်းလဲရန် ရွေးချယ်သည့် အမြင်ထက် ပိုမိုအရေးပါသည်ဟု မမှတ်ယူသင့်ပါ။

လတ်တလောတွင် စီမံခန့်ခွဲသူ ၄ ဦး ရှိပါသည်။

စီမံခန့်ခွဲမှု ကိရိယာများ

ဖျက်ခြင်း

စီမံခန့်ခွဲသူများသည် စာမျက်နှာများကို ဖျက်ပစ်ခြင်း နှင့် ပြန်လည်ထိန်းသိမ်းခြင်းများကို ဆောင်ရွက်နိုင်သည်။ စာမျက်နှာများသည် ဖျက်ပစ်ရန် တောင်းဆိုခြင်း သို့မဟုတ် မူဝါဒအရ မဆိုင်းမတွ ဖျက်ပစ်ခြင်း ဖြစ်သည်။ ဖျက်ပစ်ခြင်းခံရသော စာမျက်နှာများကို ပြန်လည်ထိန်းသိမ်းရန် တောင်းဆိုချက်များကို ဖျက်ပစ်ခြင်းကို ပြန်လည်သုံးသပ်ခြင်းတွင် ဆောင်ရွက်နိုင်သည်။

တည်းဖြတ်မူ ဖျက်ခြင်း

စီမံခန့်ခွဲသူများသည် စာမျက်နှာတစ်ခု၏ တည်းဖြတ်မူများကို ဖျက်ပစ်ခြင်းဖြင့် အများသူငှာ မြင်ကွင်းမှ ကွယ်ဝှက်ထားနိုင်သည်။ အခြားသော စီမံခန့်ခွဲသူများသာ ဖျက်ပစ်ထားသော တည်းဖြတ်မူများကို မြင်တွေ့နိုင်သည်။ တည်းဖြတ်မူများကို ဤနေရာတွင် ဖော်ပြထားသော အထူးအခြေအနေတွင်သာ ဝှက်သင့်သည်။

ကာကွယ်ခြင်း

စီမံခန့်ခွဲသူများသည် မီဒီယာဝီကီ အမည်ညွှန်း၊ အခြားအသုံးပြုသူများ၏ ပုဂ္ဂိုလ်ရေးရာ Javascript သို့မဟုတ် CSS (.js or .css) ဖိုင်များ အပါအဝင် စာမျက်နှာများကို ကာကွယ်ခြင်း၊ ကာကွယ်မှုကို ဖယ်ရှားခြင်းနှင့် ကာကွယ်မှုကို ပြောင်းလဲခြင်းများအား လုပ်ဆောင်နိုင်သည်။

ကာကွယ်ရန်အတွက် တောင်းဆိုခြင်းကို Wikipedia:စီမံခန့်ခွဲသူများ သင်ပုန်းတွင် ဆောင်ရွက်နိုင်သည်။ စာမျက်နှာများကို ယေဘုယျအားဖြင့် လက်သရမ်းခြင်း သို့မဟုတ် တည်းဖြတ်ရေး တိုက်ပွဲများ ဖြစ်ပေါ်သည့်အခါတွင်မှ ကာကွယ်လေ့ရှိပြီး မဖြစ်သေးသော လက်သရမ်းခြင်းကို ကာကွယ်ခြင်း မဟုတ်ပါ။

ပိတ်ပင်ခြင်း

စီမံခန့်ခွဲသူများသည် ပြဿနာဖြစ်စေသော အသုံးပြုသူများကို ပိတ်ပင်ခြင်းနှင့် ပိတ်ပင်မှုကို ဖယ်ရှားခြင်းများ ပြုလုပ်နိုင်သည်။

နောက်ပြန် ပြန်ပြင်ခြင်း

စီမံခန့်ခွဲသူများသည် ပြောင်းလဲမှုများကို နောက်ပြန် ပြန်ပြင်ခြင်းအား ဆောင်ရွက်နိုင်သည်။ အသုံးပြုသူတစ်ဦး၏ စာမျက်နှာတစ်ခုတွင် ပြင်ဆင်ချက်များ အားလုံးကို (နောက်ဆုံး ပြင်ဆင်မှုများ ဖြစ်ပါက) လျင်မြန်စွာ နောက်ပြန် ပြန်ပြင်နိုင်ရန် ခွင့်ပြုပေးသည်။ ယင်းပြောင်းလဲမှုကို အရေးမကြီးသော ပြောင်းလဲမှုအဖြစ် အလိုအလျောက် မှတ်သားပေးပြီး အောက်ပါတည်းဖြတ်မှု အကျဉ်းချုပ်ကို ဖော်ပြပေးသည်။

အရေးမကြီး User A (ဆွေးနွေး) ၏ ပြင်ဆင်မှုများကို User B ၏ နောက်ဆုံးတည်းဖြတ်မူသို့ နောက်ပြန် ပြန်ပြင်ခဲ့သည်