La ribièra d'Agot s'espandís mai que mai al nòrd. L'Albareda, situada al nòrd d'Agot, es una comuna de plana (140-150 m en general). Mas a Guitalens, los puèges començan a mens d'un km de l'aglomeracion.
Separats per l'Agot, mas i a un pont, Guitalens e L'Albareda fòrman una sola aglomeracion sus la RD 112 (anciana RN 112) Montalban-Castras, coma, en aval, Sant Pau del Cabdal Jòus e Damiata.
D'aquí a 1801, Guitalens èra de la diocèsi de La Vaur. L'Albareda, alara un simple luòc, èra de la diocèsi de Castras.
Las doás comunas fusionèron lo 30 de setembre de 2007 (fusion simpla). Lo n° INSEE (81132) es lo de L'Albareda e l'ostal de comuna es tanben a L'Albareda, qu'èra çaquelà la comuna pus pichona. Guitalens a salvat lo seu nom en primièr e tanben lo seu còssol.
.svg)
.svg)
.jpg)
.svg){kind=small}
