28 ਮਾਰਚ

ਐਤ	ਸੋਮ	ਮੰਗਲ	ਬੁੱਧ	ਵੀਰ	ਸ਼ੁੱਕਰ	ਸ਼ਨੀ
<<	ਮਾਰਚ					>>
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2025

28 ਮਾਰਚ ਗ੍ਰੈਗਰੀ ਕਲੰਡਰ ਦੇ ਮੁਤਾਬਕ ਇਹ ਸਾਲ ਦਾ 87ਵਾਂ (ਲੀਪ ਸਾਲ ਵਿੱਚ 88ਵਾਂ) ਦਿਨ ਹੁੰਦਾ ਹੈ। ਇਸ ਦਿਨ ਤੋਂ ਸਾਲ ਦੇ 278 ਦਿਨ ਬਾਕੀ ਹਨ।

ਵਾਕਿਆ

1556– ਫ਼ਸਲੀ ਕੈਲੰਡਰ ਫ਼ਸਲਾਂ 'ਤੇ ਆਧਰਾਤ ਹੈ ਤੇ ਇਸ ਦਾ ਜੁਲਾਈ ਤੋਂ ਜੂਨ ਤਕ ਗਿਣਿਆ ਜਾਂਦਾ ਹੈ। ਇਸ ਨੂੰ ਮੁਗ਼ਲ ਬਾਦਸ਼ਾਹ ਅਕਬਰ ਨੇ 1556 'ਚ ਸ਼ੁਰੂ ਕੀਤਾ ਸੀ।
1624– ਬਿਲਾਸਪੁਰ, ਹੰਡੂਰ, ਨਾਹਨ ਅਤੇ ਹੋਰ ਰਿਆਸਤਾਂ ਦੇ ਰਾਜੇ ਜਿਹਨਾਂ ਨੂੰ ਗੁਰੁ ਹਰਿਗੋਬਿੰਦ ਸਾਹਿਬ ਨੇ ਗਵਾਲੀਅਰ ਦੇ ਕਿਲ੍ਹੇ ਵਿਚੋਂ ਰਿਹਾਅ ਕਰਵਾਇਆ ਸੀ, ਗੁਰੁ ਜੀ ਦੇ ਦਰਸ਼ਨਾਂ ਵਾਸਤੇ ਗੁਰੂ ਕਾ ਚੱਕ (ਅੰਮ੍ਰਿਤਸਰ) ਪੁੱਜੇ।
1738 – ਬ੍ਰਿਟਿਸ਼ ਸੰਸਦ ਨੇ ਸਪੇਨ ਦੇ ਖਿਲਾਫ ਯੁੱਧ ਦਾ ਐਲਾਨ ਕੀਤਾ।
1845 – ਮੈਕਸੀਕੋ ਨੇ ਅਮਰੀਕਾ ਨਾਲ ਡਿਪਲੋਮੈਟ ਸੰਬੰਧ ਤੋੜਿਆ।
1854 – ਕਰੀਮੀਆਈ ਜੰਗ ਸ਼ੁਰੂ ਹੋਈ। ਇਸ ਹੇਠ ਬਰਤਾਨੀਆ ਤੇ ਫ਼ਰਾਂਸ ਨੇ ਰੂਸ ਦੇ ਵਿਰੁਧ ਜੰਗ ਦਾ ਐਲਾਨ ਕੀਤਾ।
1914 – ਜਾਪਾਨ ਦੇ ਐੱਸ. ਐੱਸ. ਕੋਮਾਗਾਟਾ ਮਾਰੂ ਜਹਾਜ਼ ਤੋਂ ਗੁਰਜੀਤ ਸਿੰਘ ਦੀ ਅਗਵਾਈ 'ਚ ਹਾਂਗਕਾਂਗ ਤੋਂ ਕੈਨੇਡਾ ਦੇ ਵੈਨਕੂਵਰ ਸ਼ਹਿਰ ਦੀ ਯਾਤਰਾ 'ਤੇ 372 ਨੌਜਵਾਨ ਨਿਕਲੇ।
1917 – ਤੁਰਕੀ ਪ੍ਰਸ਼ਾਸਨ ਨੇ ਤੇਲ ਅਵੀਵ ਅਤੇ ਜਾਫਾ ਸ਼ਹਿਰ ਤੋਂ ਯਹੂਦੀਆਂ ਨੂੰ ਬਾਹਰ ਕੱਢਿਆ।
1930 – ਟਰਕੀ ਦੇ ਸ਼ਹਿਰਾਂ ਕੌਂਸਤੈਂਤੀਨੋਪਲ ਅਤੇ ਅੰਗੋਰਾ ਸ਼ਹਿਰਾਂ ਦੇ ਨਾਂ ਤਰਤੀਬਵਾਰ ਇਸਤਾਨਬੁਲ ਅਤੇ ਅੰਕਾਰਾ ਰੱਖ ਦਿਤੇ ਗਏ।
1933 – ਜਰਮਨ ਵਿੱਚ ਨਾਜ਼ੀਆਂ ਨੇ ਯਹੂਦੀਆਂ 'ਤੇ ਵਪਾਰ ਤੇ ਨੌਕਰੀ ਕਰਨ ਅਤੇ ਸਕੂਲਾਂ ਵਿੱਚ ਦਾਖ਼ਲਾ ਲੈਣ 'ਤੇ ਪਾਬੰਦੀ ਲਾਈ।
1938 – ਇਟਲੀ ਵਿੱਚ ਦਿਮਾਗ਼ੀ ਬੀਮਾਰੀਆਂ ਦੇ ਸਾਇੰਸਦਾਨਾਂ ਨੇ ਕੁੱਝ ਦਿਮਾਗ਼ੀ ਬੀਮਾਰੀਆਂ ਵਾਸਤੇ ਬਿਜਲੀ ਦੇ ਝਟਕੇ ਨਾਲ ਇਲਾਜ ਕਰਨ ਦਾ ਤਜਰਬਾ ਕੀਤਾ।
1941 – ਅੰਗਰੇਜ਼ੀ ਦੀ ਮਸ਼ਹੂਰ ਨਾਵਲਿਸਟ ਮੈਡਮ ਵਰਜੀਨੀਆ ਵੁਲਫ ਨੇ ਦਰੀਆ ਵਿੱਚ ਛਾਲ ਮਾਰ ਕੇ ਖ਼ੁਦਕੁਸ਼ੀ ਕੀਤੀ। ਉਸ ਦੀ ਲਾਸ਼ 21 ਦਿਨ ਮਗਰੋਂ ਲੱਭੀ (ਉਸ ਨੇ ਮਿਸਜ਼ ਡਾਲੋਵੇਅ, ਟੂ ਦ ਲਾਈਟ ਹਾਊਸ ਤੇ ਔਰਲੈਂਡੋ ਤਿੰਨ ਨਾਵਲ ਲਿਖੇ ਸਨ)।
1941 – ਮਹਾਨ ਸੁਤੰਤਰਤਾ ਸੈਨਾਨੀ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ਤੋਂ ਦੌੜਨ ਤੋਂ ਬਾਅਦ ਜਰਮਨੀ ਦੀ ਰਾਜਧਾਨੀ ਬਰਲਿਨ ਪਹੁੰਚੇ।
1942 – ਬ੍ਰਿਟਿਸ਼ ਜਲ ਸੈਨਾ ਨੇ ਨਾਜੀਆਂ ਵੱਲੋਂ ਕਬਜ਼ਾ ਕੀਤੇ ਗਏ ਫਰਾਂਸੀਸੀ ਬੰਦਰਗਾਹ ਸੇਂਟ ਨਾਜੇਰ 'ਤੇ ਹਮਲਾ ਕੀਤਾ।
1970 – ਤੁਰਕੀ 'ਚ ਆਏ 7.4 ਤੀਬਰਤਾ ਵਾਲੇ ਭੂਚਾਲ ਨਾਲ 254 ਪਿੰਡ ਤਬਾਹ ਹੋ ਗਏ ਜਿਸ 'ਚ 1086 ਲੋਕਾਂ ਦੀ ਮੌਤ ਹੋ ਗਈ।
1972 – ਸੋਵਿਅਤ ਸੰਘ ਨੇ ਪੂਰਬੀ ਕਜਾਖਸਤਾਨ 'ਚ ਪਰਮਾਣੂੰ ਪਰਖ ਕੀਤਾ।
1977 – ਮੋਰਾਰਜੀ ਦੇਸਾਈ ਭਾਰਤ ਦਾ ਪ੍ਰਧਾਨ ਮੰਤਰੀ ਬਣਿਆ।
1986 – ਸਵੇਰੇ 10 ਵਜ ਕੇ 15 ਮਿੰਟ ਤੇ 6000 ਤੋਂ ਵਧ ਰੇਡੀਓ ਸਟੇਸ਼ਨਾਂ ਨੇ ਇਕੋ ਸਮੇਂ ਮਾਈਕਲ ਜੈਕਸਨ ਦਾ 'ਵੀ ਆਰ ਦ ਵਰਲਡ' ਗਾਣਾ ਵਜਾਇਆ।
1983 – ਇੰਗਲੈਂਡ: ਸਿੱਖ ਇੱਕ ਵਖਰੀ ਕੌਮ ਹਨ ਤੇ ਇੱਕ ਵਖਰੀ ਨਸਲ ਹਨ: ਮਾਂਡਲਾ ਕੇਸ ਦਾ ਫ਼ੈਸਲਾ ਸੁਣਾਉਂਦੇ ਹੋਏ ਇੰਗਲੈਂਡ ਦੇ 'ਹਾਊਸ ਆਫ਼ ਲਾਰਡਜ਼' ਨੇ ਕਿਹਾ ਕਿ 'ਸਿੱਖ ਇੱਕ ਵਖਰੀ ਕੌਮ ਹਨ ਤੇ ਤਕਰੀਬਨ ਇੱਕ ਵਖਰੀ ਨਸਲ ਹਨ।'
2000 – ਗਿਆਨੀ ਪੂਰਨ ਸਿੰਘ ਨੂੰ ਅਕਾਲ ਤਖ਼ਤ ਦੇ ਮੁੱਖ ਸੇਵਾਦਾਰ ਦੇ ਅਹੁਦੇ ਤੋਂ ਹਟਾ ਕੇ ਜੋਗਿੰਦਰ ਸਿੰਘ ਵੇਦਾਂਤੀ ਨੂੰ ਲਾਇਆ ਗਿਆ।