இந்தியா பாகிஸ்தான்

This இக்கட்டுரை தனித்து விடப்பட்டக் கட்டுரை. வேறு எந்தக் கட்டுரையும் இக்கட்டுரையை இணைக்கவில்லை. தொடர்புடைய கட்டுரைகளுடன் இக்கட்டுரையை தயவு செய்து இணைக்கவும்; மற்றக் கட்டுரைகளுடன் இணைப்பதற்காக இணைப்பைத் தேடும் கருவியை பரிந்துரைக்காக பயன்படுத்திப் பாருங்கள். (மார்ச் 2019)

இந்தியா பாகிஸ்தான் (India Pakistan) 2015 ம் ஆண்டு தமிழில் வெளியான காதல் கலந்த நகைச்சுவைத் திரைப்படமாகும். இப்படத்தை ஆனந்த் எழுதி இயக்கியிருந்தார்.இப்படத்தில் விஜய் ஆண்டனி மற்றும் சுஷ்மா ராஜ் ஆகியோர் முக்கிய வேடத்தில் நடிக்க பசுபதி இணைவேடத்திலும் நடித்திருந்தார். இப்படம் விஜய் ஆண்டனியினால் தயாரித்து மே 8, 2015 ஆம் திகதி வெளியானது. இப்படத்திற்கான இசை தீனா தேவராஜன் அமைத்திருந்தார்.^[1]

இரு வக்கீல்களான கார்த்திக் (விஜய் ஆண்டனி) மற்றும் மெலினா (சுஷ்மா ராஜ்) ஆகியோர் ஒரே வாடகை வீட்டில் வந்து தங்குவதுடன் கதை தொடங்குகிறது. இருவரும் அவ்வீட்டில் தங்க எத்தனிக்க அவர்களுள் யார் புதியவழக்கை பெறுகிறாரோ அவருக்கே அவ்வாடகை வீடு என முடிவெடுக்கிறார்கள். இவ்வாறிருக்க இருவருக்கும் ஒரே வழக்கில் எதிரிகளாக வழக்காட சந்தர்ப்பம் கிடைக்கிறது. இதன் அடிப்படையில் யார் அவ்வழக்கில் வெற்றி பெறுவாரா அவருக்கே அவ்வாடகை வீடு என முடிவாகிறது. அவ்வழக்கில் வெற்றிபெற இருவரும் ஆடும் நகைச்சுவை கபடநாடகங்கள் என விறுவிறுப்பாக நகரும் கதையில் நடுவே மெலினாவிடம் வில்லன் கொலை செய்யும் வீடியோ உள்ள இறுவட்டு சிக்கிகொள்ள மெலினா வில்லனிடம் மாட்டிக்கொள்கிறாள். அதன்பின்னர் மெலினாவைக் காப்பாற்ற கார்த்திக் எடுக்கும் நடவடிக்கைகள் இறுதியில் இருவருக்கும் இடையில் ஏற்படும் காதல் என கதை நகர்கின்றது.

• விஜய் ஆண்டனி - கார்த்திக்
• சுஷ்மா ராஜ் - மெலினா
• பசுபதி - காத்தமுத்து
• ஜெகன் - ஹரிதாஸ் (பாவாடை)
• ஊர்வசி - கார்த்திக்கின் தாயார்
• காளி வெங்கட் - செல்வம்
• யோகி பாபு - ஆமை குஞ்சு
• எம். எசு. பாசுகர் - மருதமுத்து
• மனோபாலா - இடிச்சபுளி
• சரத் லோகிரஷ்வா-சம்பத்
• டி. பி. கஜேந்திரன் - நீதிபதி
• சங்கர நாராயணன் - மெலினாவின் தந்தை
• மூணார் ரமேஷ் - ஆண்டனி
• பாண்டி - தினா
• மணிகண்டன் - மணி
• சின்னி - சீதா
• சீமா
• முனிஷ் ராஜா
• ரவிகாந்த்
• பேய் கிருஷ்ணன்
• தவசி தேவர்
• இளங்கோ
• மாயி சுந்தர்
• சேஷு
• சதிஷ் குமார் சுந்தரம்

இப்படத்தின் செய்மதி உரிமையை ஜீ தமிழ் தொலைக்காட்சி பெற்றமை குறிப்பிடத்தக்கது.^[2]

இத்திரைப்படத்தின் படப்பிடிப்பு 2014 ம் ஆண்டு ஏப்ரலில் தொடங்கப்பட்ள்ளதுடன் படப்பிடிப்பு முடிவதற்கு சுமார் 60 நாட்கள் எடுத்துள்ளது.^[3][4]

1. ↑ "A secret about Vijay Antony's next – Tamil Movie News". Indiaglitz.com. 2015-05-05. Retrieved 2016-04-07.
2. ↑ "Diwali 2015 Special Premiere Movie Film India Pakistan Zee Tamizh Tv Channel 10-November-2015, Deepavali 2015 Sirappu Thiraipadam Zee Tamil Tv". Intalkies. 2015-11-10. Retrieved 2016-04-07.^{[தொடர்பிழந்த இணைப்பு]}
3. ↑ "Vijay Antony's India Pakistan might release by August". behindwoods.com. Retrieved 2014-09-05.
4. ↑ "Vijay Antony's upcoming movies - Updates". behindwoods.com. Retrieved 2014-09-05.