இராம்பூர் வேட்டைநாய் (Rampur Greyhound) என்பது தில்லிக்கும்பரேலிக்கும் இடையில் அமைந்துள்ள வட இந்தியாவின்ராம்பூர் பகுதியைச் சேர்ந்த நீண்ட மெல்லிய கால்களும் கூரிய பாயும் விரைவோட்டமுடைய முயல்வேட்டை நாய் வகையினைச் சார்ந்தது. ராம்பூர் வேட்டைநாய் ஆரம்பக்காலத்தில் ஆப்கானித்தான் வேட்டைநாயிலிருந்து தோன்றியதாக நம்பப்படுகிறது, 19ஆம் நூற்றாண்டில் இந்த இனத்தின் வேகத்தை மேம்படுத்துவதற்காக வேட்டைநாய்களில் விரிவான இனக்கலப்பு மூலம் இவற்றின் தற்போதைய இனம் தோற்றுவிக்கப்பட்டுள்ளது.[1][2][3] ராம்பூர் வேட்டைநாய் குட்டையான முடி கொண்ட, சக்தி வாய்ந்த கட்டமைக்கப்பட்ட வேட்டைநாயாகும். இது தோற்றத்தில் இசுலோகியை ஒத்திருக்கிறது. இது தோன்றிய பகுதிக்கு வெளியே அரிதாகவே காணப்படுகிறது. இங்கு இது வேட்டை நாயாகப் பராமரிக்கப்படுகிறது. அரிதாக ஒரு துணையாக வளர்க்கப்படுகிறது.[2][3][4]
