கி. கஸ்தூரிரங்கன் (அறிவியலாளர்)

முனைவர். கிருஷ்ணசாமி கஸ்தூரிரங்கன்
முனைவர். கிருஷ்ணசாமி கஸ்தூரிரங்கன்
பிறப்பு	24 அக்டோபர் 1940 (1940-10-24) (அகவை 84) எர்ணாகுளம், கேரளம், இந்தியா
இறப்பு	25/04/2025
தேசியம்	இந்தியர்
துறை	வானியல்/விண்வெளி அறிவியல், தொழினுட்பம்
பணியிடங்கள்	தேசிய மேம்பட்ட ஆய்வுகள் நிறுவனம்; இந்திய விண்வெளி ஆய்வு மையம்
கல்வி கற்ற இடங்கள்	இளங்கலை அறிவியல் (கௌரவ பட்டம்), ராம்நரைன் ரூயா கல்லூரி, மாதுங்கா (மும்பை),மும்பை பல்கலைக்கழத்தில் இருந்து முதுநிலை பட்டம், 1971ல் இயற்பியல் ஆராய்ச்சி ஆய்வகம், குஜராத் பல்கலைக்கழகத்திலிருந்து வானியல், வானியற்பியலில் முனைவர் பட்டம்.
அறியப்படுவது	இந்திய விண்வெளித்துறையின் தலைவர், மேற்குத் தொடர்ச்சி மலைத்தொடர் தொடர்பான அறிக்கை, தேசிய கல்விக் கொள்கை 2020
விருதுகள்	பத்மஸ்ரீ, பத்ம பூசன், பத்ம விபூசண்

கி. கஸ்தூரிரங்கன் என்னும் கிருஷ்ணசாமி கஸ்தூரிரங்கன் (Dr. Krishnaswamy Kasturirangan, 24 அக்டோபர் 1940 - 25 ஏப்ரல் 2025) ஒரு விண்வெளி அறிவியலாளர். இவர் 1993 முதல் 2003 வரை இந்திய விண்வெளி ஆய்வு மையத்தின் தலைமை அறிவியலாளராகப் பணிபுரிந்தார்.^[1] இராசத்தான் நடுவண் பல்கலைக்கழகத்தின் வேந்தராகவும்,^[2] சவகர்லால் நேரு பல்கலைக்கழகத்தின் வேந்தராகவும் இருந்துள்ளார்^[3]. மேலும், கருநாடக அறிவு ஆணையத்தின் தலைவராகவும் இருந்துள்ளார்^[4].

கஸ்தூரிரங்கன் மாநிலங்களவையின் (2003-09) உறுப்பினராகவும் முந்தைய திட்டக்குழுவின் உறுப்பினராகவும் இருந்துள்ளார். 2004 ஏப்ரல் முதல் 2009 வரை பெங்களூருவில் உள்ள நேஷனல் இன்ஸ்டிடியூட் ஆப் அட்வான்ஸ்ட் ஸ்டடிஸ் இயக்குநராகவும் இருந்தார். இவர் இந்திய அரசால் இந்திய குடிமக்களுக்கு வழங்கப்படும் உயரிய மூன்று விருதுகளான பத்மஸ்ரீ (1982), பத்ம பூஷன் (1992), பத்ம விபூஷன் (2000) ஆகியவற்றைப் பெற்றுள்ளார்.^[5]

நெல்லை மாவட்டத்தைப் பூர்வீகமாகக் கொண்ட இவர் கேரள மாநிலம் எர்ணாகுளத்தில் பிறந்தார். அங்குள்ள ஸ்ரீஇராம் வர்மா அரசு உயர் நிலைப் பள்ளியில் படித்தார். மத்திய மும்பையின், மாதுங்காவில் உள்ள ராம்நரைன் ரூயா கல்லூரியில் பட்டம் பெற்றார். மேலும், மும்பைப் பல்கலைக்கழகத்தில் இயற்பியலில் முதுநிலைப்பட்டம் பெற்றார். அகமதாபாத், இயற்பியல் ஆராய்ச்சி ஆய்வகத்தில், 1971-இல், உயர் ஆற்றல் வானியலில் தனது முனைவர் பட்டத்தைப் பெற்றார். வானியல், விண்வெளி அறிவியல் மற்றும் பயன்பாடுகளில் 150க்கும் மேற்பட்ட ஆய்வுக் கட்டுரைகளையும் ஆறு புத்தகங்களையும் எழுதியுள்ளார்.^[6]

இந்திய விண்வெளித் துறையில் சேர்ந்து, இந்திய தேசிய செயற்கைகோள்கள், இந்திய தொலை உணர்வுச் செயற்கைக்கோள்கள், பாஸ்கரா செயற்கைகோள்கள், துருவச் செயற்கைக்கோள்கள், ஏவு வாகனங்கள் என இந்தியாவின் புகழை விண்வெளிக்கு எடுத்துச் செல்லும் பணியில் பங்கேற்றார். கஸ்தூரிரங்கன் தலைமையில் 2020-ஆம் ஆண்டில் தேசிய கல்விக் கொள்கை உருவாக்கப்பட்டது.^[7]

கஸ்தூரிரங்கன் 2025 ஆம் ஆண்டு ஏப்ரல் 25 ஆம் நாள் உடல் நலம் குன்றி இறந்தார்.^[8]

கஸ்தூரிரங்கன் 27 பல்கலைக்கழகங்களிலிருந்து பெருமைமிகு முனைவர் பட்டம் பெற்றுள்ளார்.^[20]

• Dr. Kasturirangan's biodata at ISRO பரணிடப்பட்டது 2007-10-15 at the வந்தவழி இயந்திரம்
• India's Space Enterprise : A Case Study in Strategic Thinking and Planning பரணிடப்பட்டது 2006-08-24 at the வந்தவழி இயந்திரம், Dr Kasturirangan's 2006 Narayanan Oration at the Australia South Asia Research Centre (ASARC)