சிறீ சிறீ (எழுத்தாளர்)

சிறீ சிறீ
சிறீ சிறீ
பிறப்பு	சிறீரங்கம் சீனிவாச ராவ்; 30 ஏப்ரல் 1910; விசாகப்பட்டினம், சென்னை மாகாணம், பிரித்தானிய இந்தியாவின் மாகாணங்களும், ஆட்சிப் பகுதிகளும்; (தற்போதைய ஆந்திரப் பிரதேசம், இந்தியா)
இறப்பு	15 சூன் 1983 (அகவை 73) ; சென்னை, தமிழ்நாடு, இந்தியா
வாழ்க்கைத்; துணை	வெங்கட இரமணம்மா, சரோசா

சிறீ சிறீ (Sri Sri) என்று பிரபலமாக அழைக்கப்படும் சிறீரங்கம் சீனிவாச ராவ் (30 ஏப்ரல் 1910 - 15 சூன் 1983) ஒரு இந்திய கவிஞரும், பாடலாசிரியருமாவார். இவர் தெலுங்கு இலக்கியம் மற்றும் திரைப்படங்களில் தனது படைப்புகளுக்கு பெயர் பெற்றவர். மகா பிரஸ்தானம் என்ற இவரது புராணக்கதையால் புகழ்பெற்ற சிறீ சிறீ தேசிய திரைப்பட விருது, நந்தி விருது, சாகித்ய அகாடமி விருது ஆகியவற்றைப் பெற்றவர்.

இவர் பேனா இந்தியா, சாகித்ய அகாடமி, தென்னிந்திய திரைப்பட எழுத்தாளர்கள் சங்கத்தின் துணைத் தலைவராகவும், சென்னை மற்றும் ஆந்திராவின் புரட்சிகர எழுத்தாளர்கள் சங்கத்தின் தலைவராகவும் இருந்தார்.^[2]^[3]

வாழ்க்கை

இவர், ஏப்ரல் 30, 1910 அன்று இன்றைய ஆந்திராவின் விசாகப்பட்டினத்தில் பிறந்தார்.^[4] இவரது பெற்றோர் புடிபெட்டி வெங்கட்ராமனையா மற்றும் அட்டப்பகொண்டா ஆகியோர் இவரது பெற்றோராவர். பின்னர் சிறீரங்கம் சூரியநாராயணன் என்பவர் இவரை தத்தெடுத்தார். இவர், விசாகப்பட்டினத்தில் பயின்றார். 1931 இல் சென்னைப் பல்கலைக்கழகத்தில் இளங்கலை பட்டம் பெற்றார். 1935 இல் விசாகப்பட்டினத்தின் எஸ்.வி.எஸ் கல்லூரியில் விரிவுரையாளராகத் தொடங்கிய இவர், 1938 இல் ஆந்திர பிரபா என்ற நாளிதழில் துணை ஆசிரியராக சேர்ந்தார். பின்னர் ஐதராபாத் இராச்சியத்தின்அனைத்திந்திய வானொலியிலும், தினசரியான ஆந்திர வாணியிலும் பணியாற்றினார்.^[1]

இவர் சரோசினி என்பவரை மணந்தார். இவர்களுக்கு ஒரு மகனும் மூன்று மகள்களும் இருந்தனர்.

இலக்கிய வாழ்க்கை

பாரம்பரியத் தெலுங்கு கவிதைகளில் பயன்படுத்தப்படாத ஒரு பாணியிலும் அளவிலும் ஒரு சாமானியரின் அன்றாட வாழ்க்கையை பாதித்த சமகால பிரச்சினைகளைப் பற்றி எழுதிய முதல் உண்மையான நவீன தெலுங்கு கவிஞராக இவரிருந்தார். தெலுங்குக் கவிதைகளில் முன்னர் பயன்படுத்தப்படாத ஒரு பாணியிலும் அளவிலும் தொலைநோக்கு கவிதைகளை எழுதினார். சமகால சிக்கல்களை பிரதிபலிக்கும் வகையில் பாரம்பரிய புராணக் கருப்பொருள்களிலிருந்து கவிதைகளை முன்னோக்கி நகர்த்தினார். தெலுங்குக் கவிஞர் தேவலப்பள்ளி கிருட்டிணசாத்திரியுடன் ஒப்பிடும்போது இவரது ஆளுமை குடிபதி வெங்கடச்சலம் அவர்களால் ஈர்க்கப்பட்டது.^[5] கவிதைகளின் தொகுப்பான மஹா பிரஸ்தானம் (ஒரு பெரிய பயணம்) என்ற இவரது புத்தகம் இவரது முக்கிய படைப்புகளில் ஒன்றாகும். "ஜகன்னாதுனி ரத சக்ராலு" என்ற ஒரு கவிதையில், இவர் சமூக அநீதிகளால் பாதிக்கப்படுபவர்களைப் பற்றி எழுதினார்.^[6] "பிற முக்கிய படைப்புகளில் சிப்ராலி மற்றும் கட்கா ஸ்ருஷ்டி (" வாளை உருவாக்குதல் ") ஆகியவையும் அடங்கும்.^[7]

தெலுங்கு சினிமா

ஜுன்னர்கரின் நீரா அவு நந்தா என்ற இந்தித் திரைப்படத்தின் (1946) தெலுங்கு பதிப்பான ஆகுதி (1950) என்ற படத்துடன் தெலுங்குத் திரைப்படத்துறையில் நுழைந்தார். சலூரி ராஜேஸ்வர ராவ் இசையமைத்த "ஹம்சாவலே ஓ படவா", "ஓகிசலடநய்யா", "பிரேமய் ஜன்னனா மரண லீலா" போன்ற சில பாடல்கள் பெரும் வெற்றியைப் பெற்றன.^[8] இவர், பல தெலுங்குத் திரைப்படங்களுக்கு திரைக்கதை எழுத்தாளராகவும் இருந்தார். இந்தியாவின் சிறந்த திரைப்பட பாடலாசிரியர்களில் ஒருவரான இவர் தெலுங்கில் 1000 க்கும் மேற்பட்ட ஒலிப்பதிவுகளுக்கு பாடல் எழுதியுள்ளார்.

மனித உரிமைகளுக்காக

1974 இல் உருவாக்கப்பட்ட ஆந்திர மாநில மனித உரிமை அமைப்பின் முதல் தலைவராக சிறீ சிறீ இருந்தார்.^[9]

விருதுகளும் அங்கீகாரங்களும்

சாகித்ய அகாடமி விருது - 1972
சோவியத் நாட்டின் நேரு விருது
"அல்லுரி சீதாராம ராஜு" என்ற படத்திற்காக சிறந்த பாடல்களுக்கான தேசிய திரைப்பட விருது - 1974 ^[10]
நேட்டி பாரதம் படத்திற்காக சிறந்த பாடலாசிரியருக்கான நந்தி விருது - 1983 ^[11]
சென்னை இராசா-இலட்சுமி அறக்கட்டளை 1979 இல் இராசா-இலட்சுமி விருது

குறிப்புகள்

↑ ^1.0 ^1.1 Thanjavur, Kiran Kumar (2020-06-15). "మహాకవి 'శ్రీశ్రీ' వర్థంతి.. ఆయన గురించి ఈ నిజాలు తెలుసా." News18 Telugu (in தெலுங்கு). Retrieved 2021-01-03.
↑ Chaso Dolls Wedding & Other Stories – Page xii introduction by Renee David Shulman, 194, Cāsō – 2012 "But Vizianagaram in the mid-twentieth century was also home to other literati including the most famous poet in modern Telugu, Sri Sri (Srirangam Srinivasa Rao); Arudra, historian of Telugu literature, literary critic and poet; and Racakonda Visvanatha Sastri, the short-story writer whose statue you can find on the Visakhapatnam beach...."
↑ Dictionary of Hindu Literature Kuśa Satyendra – 2000 – Page 175 "Sriniwasaraw Srirangam (b 1910 Visakhapatnam). Telugu poet. Sri Sri, as he is popularly known, wrote his first poem at ..."
↑ "The eternal fragrance of Mahakavi Sri Sri". The New Indian Express. Retrieved 2021-01-03.
↑ Mahaprasthanam, Telugu Book, published by Vishalandhra Publishing House, Hyderabad, June 1950 Pages 7-12
↑ Pages 93 to 99 of Mahaprasthanam Telugu Book Published in 1950 by Vishalandhra Publications
↑ T. Venkata Rao (16 September 2006). "Portrait of a revolutionary". The Hindu (Chennai, India) இம் மூலத்தில் இருந்து 15 ஜூலை 2007 அன்று. பரணிடப்பட்டது.. https://web.archive.org/web/20070715120222/http://www.hindu.com/mp/2006/09/16/stories/2006091603270200.htm.
↑ Mahakavi Sri Sri : Makers of Indian Literature, Budaraju Radhakrishna, Sahitya Akademi, New Delhi, 3rd edition, 2006. (பன்னாட்டுத் தரப்புத்தக எண் 81-260-0719-2)
↑ "History of Naxalism". 9 May 2003. Archived from the original on 22 பிப்ரவரி 2018. Retrieved 14 ஜனவரி 2021. {{cite web}}: Check date values in: |access-date= and |archive-date= (help); Unknown parameter |= ignored (help)
↑ "22nd National Film Awards". http://dff.nic.in/2011/22nd_nff_1974.pdf.
↑ "నంది అవార్డు విజేతల పరంపర (1964 - 2008)" [A series of Nandi Award Winners (1964 - 2008)] (PDF) (in தெலுங்கு). Information & Public Relations of Andhra Pradesh. 2010-03-13. Retrieved 3 January 2021.