சௌரப் நேத்திரவால்க்கர்

சௌரப் நரேஷ் நேத்திரவால்க்கர் (Saurabh Naresh Netravalkar, பிறப்பு: அக்டோபர் 16, 1991) என்பவர் இந்தியாவில் பிறந்த ஒரு அமெரிக்கத் துடுப்பாட்ட வீரரும், மென்பொருட் பொறியியலாளரும் ஆவார்.^[1] இவர் ஐக்கிய அமெரிக்கத் துடுப்பாட்ட அணியில் விளையாடுகிறார். இடக்கை நடுத்தர-விரைவுப் பந்துவீச்சாளரான இவர் இந்திய 19 வயதிற்குட்பட்டோர் துடுப்பாட்ட அணியில் விளையாடினார்.^[2] இவர் தனது முதலாவது முதல்-தரப் போட்டியை மும்பை அணிக்காக 2013–14 ரஞ்சிக் கோப்பைப் போட்டியில் 2023 திசம்பர் 22 இல் விளையாடினார்.^[3] தனது முதலாவது பட்டியல் அ போட்டியை 2014 பெப்ரவரி 27 இல் மும்பை அணிக்காக 2013–14 விஜய் அசாரே கோப்பையில் விளையாடினார்.^[4]

நேத்திரவால்க்கர் ஆரக்கிள் நிறுவனத்தில், எச்1பி நுழைவிசாவில் அமெரிக்காவில் பணியாற்றுகிறார்.^[5][6] இவரது லிங்க்டின் தன்விவரத்தின்படி, இவர் தற்போது ஆரக்கிளில் தொழில்நுட்ப ஊழியர்களின் முதன்மை உறுப்பினராக பணியாற்றுகிறார்.^[7] சௌரப் மும்பை அணிக்காக ரஞ்சிக் கோப்பை உட்படப் பிற உள்நாட்டுப் போட்டிகளில் விளையாடியபோது, ​​பின்னர் இந்தியாவில் சிறந்த வாய்ப்புகள் இல்லாததால் அமெரிக்கா சென்றார்.

2024 சூன் 6 அன்று, நேத்திரவால்க்கர் 2024 ஐசிசி ஆண்கள் இ20 உலகக்கிண்ணத்தின் போது சூப்பர் ஓவரை வீசியதன் மூலம் பாக்கித்தானுக்கு எதிரான புகழ்பெற்ற வெற்றியில் முக்கியப் பங்கு வகித்தார்.^[8] அவர் சூப்பர் ஓவரில் 18 ஓட்டங்களை வெற்றிகரமாகப் பாதுகாத்து, போட்டியில் அமெரிக்காவின் இரண்டாவது தொடர்ச்சியான வெற்றியைப் பெற்றுத் தந்தார்.^[9] இந்த வெற்றி இறுதியில் அமெரிக்காவை அவர்களின் குழுவில் அட்டவணையில் முதலிடத்திற்கு உயர்த்தியது.^[10][11][12]

• கிரிக்கின்ஃபோவில் இருந்து விளையாட்டுவீரர் விபரக்குறிப்பு: சௌரப் நேத்திரவால்க்கர்