டும் டும் டும் (தொலைக்காட்சித் தொடர்)

டும் டும் டும் என்பது கலைஞர் தொலைக்காட்சியில் 5 ஆகத்து 2019 முதல் திங்கள் முதல் வெள்ளி வரை இரவு 7:30 மணிக்கு ஒளிபரப்பாகும் காதல் மற்றும் குடும்ப காட்சிகள் நிறைந்த தொலைக்காட்சித் தொடர் ஆகும். இந்த தொடரை பிரதாப் என்ப்பவர் இயக்க^[1], நாயாகியாக விஜயலட்சுமி^[2] நடிக்க இவருக்கு ஜோடியாக புதுமுக விளம்பர நடிகர் மைக்கேல் நாயகனாக நடிக்கின்றார்.^[3]

இந்த தொடரின் கதை கிராமத்தில் சமுதாயத்தில் சமமான அந்தஸ்துள்ள இரு பணக்கார குடும்பங்களை மையப்படுத்தி எடுக்கப்பட்டுள்ளது. முந்தைய தலைமுறையில் காதல் திருமணத்தால் நட்பாக பழகி வந்த இரு குடும்பதினர் பிரிவதுடன் இரண்டாக பிளக்கிறது. அடிக்கடி இவர்களிடையே நடக்கும் பிரச்சனைகளால் உயிரிழப்புகளும் நிகழ்ந்து அந்த ஊர் மக்களை சோகத்தில் ஆழ்த்துகிறது.

இந்த பிரச்சனைக்கு முற்றுப்புள்ளி வைக்க இரு குடும்பத்தின் பெரியவர்கள் தங்களது குடும்பங்கள் மற்றும் ஊர் மக்களின் நலன் கருதி இரு குடும்பங்களின் ஒரு இளம் ஜோடிக்கு திருமணம் செய்து வைக்க முடிவு செய்கிறார்கள். ஆனால் அதற்கான வாய்ப்பு அமையாமல் தடைபட, பல்வேறு பிரச்சனைகளால் திருமணம் தள்ளிப்போக, ஊர் பகை கொழுந்துவிட்டு எரிகிறது. கடைசியில் அந்த இளம் ஜோடிக்கு ’டும் டும் டும்’ நடந்ததா? பிரிந்த குடும்பங்கள் ஒன்றாக இணைந்ததா? என்பது தான் தொடரின் கதை.

• விஜயலட்சுமி
• மைக்கேல்

• கலைஞர் தொலைக்காட்சி வலையகம்^{[தொடர்பிழந்த இணைப்பு]}
• கலைஞர் தொலைக்காட்சி