தாண்டலம்(IV) அயோடைடு

தாண்டலம்(IV) அயோடைடு

இனங்காட்டிகள்
சிஏஎசு எண்	14693-80-2 Y
InChI InChI=1S/4HI.Ta/h4*1H;/q;;;;+4/p-4 Key: YGGDPBCUKJOEGM-UHFFFAOYSA-J
யேமல் -3D படிமங்கள்	Image
SMILES [I-].[I-].[I-].[I-].[Ta+4]
பண்புகள்
மூலக்கூறு வாய்பாடு	TaI4
வாய்ப்பாட்டு எடை	688.57
தோற்றம்	கருப்பு நிற திண்மம்[1]
உருகுநிலை	398 °C (671 K) (சிதைவடையும்)
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

தாண்டலம்(IV) அயோடைடு (Tantalum(IV) iodide) என்பது TaI₄ என்ற என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். தண்ணீரில் கரைந்து ஒரு பச்சை நிறக் கரைசலை கொடுக்கிறது, ஆனால் காற்றில் விடப்பட்டால் இதன் நிறம் மங்குகிறது. வெள்ளை நிறத்தில் வீழ்படிவாகிறது.^[2]

தாண்டலம்(V) அயோடைடுடன் தாண்டலம் தனிமத்தைச் சேர்த்து குறைப்பு வினையின் மூலம் தாண்டலம்(IV) அயோடைடை தயாரிக்கலாம். ஒருவேளை பிரிடீனை குறைக்கும் முகவராகப் பயன்படுத்தினால் TaI₄(py)₂ என்ற கூட்டுசேர் பொருள் கிடைக்கும்.^[3]

தாண்டலம்(V) அயோடைடுடன் அலுமினியம், மக்னீசியம் அல்லது கால்சியத்துடன் சேர்த்து 380 °செல்சியசு வெப்பநிலையில் வினைபுரியச் செய்தாலும் தாண்டலம்(IV) அயோடைடைத் தயாரிக்கலாம். உடன் Ta₆I₁₄ சேர்மமும் சேர்ந்து உருவாகிறது. எனவே மிகவும் தூய்மையான தாண்டலம்(IV) அயோடைடு படிகத்தை உற்பத்தி செய்வது கடினமாகிறது.^[4]

3TaI₅ + Al -> 3TaI₄ + AlI₃

தாண்டலம்(IV) அயோடைடு ஒரு கருப்பு நிறத் திடப்பொருளாகும். நையோபியம்(IV) அயோடைடை ஒத்த ஒரு படிக அமைப்பைக் கொண்டுள்ளது.^[4] ஒற்றை-படிக தாண்டலம்(IV) அயோடைடு முதன்முதலில் 2008 ஆம் ஆண்டில் இரஃபல் விக்லசு மற்றும் கெர்ட் மேயர் ஆகியோரால் தயாரிக்கப்பட்டது. Rb(Pr₆C₂)I₁₂ என்ற வேதிப் பொருளை தயாரிக்கும்போது உருக்குக்கலனில் இது பெறப்பட்டது.^[5] ஒற்றைப் படிகமானது ஓர் அலகு செல்லுக்கு இரண்டு வாய்பாட்டு அலகுகள் (a = 707.36 பைக்கோமீட்டர், b = 1064.64 பைக்கோமீட்டர், c = 1074.99 பைக்கோமீட்டர், α = 100.440°, β = 89 γ = 104.392°) என்ற அணிக்கோவை அளவுருக்களுடன் P1 ( எண். 2) என்ற இடக்குழுவுடன் முச்சரிவச்சு படிக அமைப்பைக் கொண்டுள்ளது. படிக அமைப்பு மற்ற இடை உலோக டெட்ரா அயோடைடுகளிலிருந்து வேறுபடுகிறது. இது பொதுவாக MI_4/2I_2/1 சங்கிலி அமைப்பைக் கொண்டுள்ளது. ஏனெனில் இது இருபடியை உருவாக்க ஒரு பொதுவான மேற்பரப்பில் இணைக்கப்பட்ட TaI₆ எண்முகத்தைக் கொண்டுள்ளது. இது போன்ற இரண்டு இருபடிகள் ஒரு பொதுவான விளிம்பில் ஒரு நாற்படியை உருவாக்குகின்றன.^[6]