நல்ல நேரம்

நல்ல நேரம்
நல்ல நேரம்
இயக்கம்	எம். ஏ. திருமுகம்
தயாரிப்பு	எம். எம். ஏ. சின்னப்ப தேவர் தேவர் பிலிம்ஸ்
இசை	கே. வி. மகாதேவன்
நடிப்பு	எம். ஜி. ஆர் கே. ஆர். விஜயா
வெளியீடு	மார்ச்சு 10, 1972
நீளம்	4465 மீட்டர்
நாடு	இந்தியா
மொழி	தமிழ்

நல்லநேரம் (Nalla Neram) 1972 இல் வெளிவந்த இந்தியத் தமிழ்த் திரைப்படமாகும். எம். ஏ. திருமுகம் இயக்கத்திலும் சாண்டோ எம். எம். ஏ. சின்னப்பா தேவர் தயாரிப்பிலும் வெளிவந்த இப்படத்தில் எம். ஜி. இராமச்சந்திரன், கே. ஆர். விஜயா ஆகியோர் நடித்திருந்தனர். இத்திரைப்படம் 1971 இல் வெளிவந்த ஹாத்தி மேரே சாதி என்ற இந்தித் திரைப்படத்தின் மறு ஆக்கமாகும். இத்திரைப்படம் 1972 மார்ச் 10 அன்று வெளியிடப்பட்டது.^[1] இத்திரைப்படம் திரையரங்குகளில் 100 நாட்களுக்கு மேல் திரையிடப்பட்டு ஒரு பெரிய வெற்றித் திரைப்படமாக அமைந்தது.

ராஜா "ராஜூ" குமார் யானைகளை சொந்தமாக வைத்திருக்கிறார். யானகளிடம் தந்திரங்களைச் செய்ய வைப்பதன் மூலம் வாழ்வாதாரத்தைப் பெறுகிறார். அவர் விஜயாவை காதலிக்கிறார். அவர்கள் திருமணம் செய்து கொள்கிறார்கள். ஆனால் விரைவில், ஒரு சிக்கல் எழுகிறது. விஜயா தனது வாழ்க்கையில் ஒரு தனிப்பட்ட சோகத்தின் காரணமாக யானைகளை வெறுக்கிறார். ராஜு தனது யானை நண்பர்களுடன் அதிக நேரம் செலவிடுவதாக விஜயா உணர்கிறார். ராஜூ தனது மனைவியின் அன்பிற்கும், தனது விசுவாசமான, அர்ப்பணிப்புள்ள செல்ல யானைகளின் நட்பிற்கும் இடையே தேர்வு செய்ய வேண்டியிருந்தது.

இத்திரைப்படத்திற்கு கே. வி. மகாதேவன் இசையமைத்திருந்தார்.^[2]

• இணையதள திரைப்பட தரவுத்தளத்தில் நல்ல நேரம்