புத்தி கெட்ட மனிதர் எல்லாம்

புத்தி கெட்ட மனிதர் எல்லாம் (Puththi Ketta Manitharellam) என்பது 2021 ஆம் ஆண்டில் வெளிவந்த இலங்கைத் தமிழ்த் திரைப்படம் ஆகும்.^[1] ராஜ் சிவராஜின் இயக்கத்திலும், ஜி. கிருசோபனின் தயாரிப்பிலும் வெளிவந்தது.^[2] கே. எஸ். சாந்தகுமாரின் பாடல்களுக்கு பூவன் மதீசன் இசையமைத்திருந்தார்.^[3] இத்திரைப்படம் 2021 திசம்பர் 24 அன்று யாழ்ப்பாணத் திரையரங்குகளில் வெளியிடப்பட்டது.^[4] 2018 இல் வெளியான கோமாளி கிங்ஸ் இற்குப் பின்னர் இலங்கையில் தயாரிக்கப்பட்டு வெளியிடப்பட்ட முதலாவது தமிழ்த் திரைப்படம் இதுவாகும்.

• அரவிந்தன்
• ஆதி
• சத்தியஜித்
• இதயராஜ்
• திலக்சன்
• கண்ணா

இத்திரைப்படத்தின் படப்பிடிப்புகள் முக்கியமாக யாழ்ப்பாணத்தில் படமாக்கப்பட்டது, இதன் நடிகர்கள் பெரும்பாலும் யாழ்ப்பாணத்தைச் சேர்ந்தவர்கள் ஆவர். இதன் முன்னோட்டம் 2021 திசம்பர் 3 அன்று வெளியிடப்பட்டது.^[5][6]

இத்திரைப்படம் 2021 திசம்பர் 24 முதல் 26 வரை யாழ்ப்பாணத்தில் பல்வேறு திரையரங்குகளில் வெளியிடப்பட்டது.^[7]

• இணையதள திரைப்பட தரவுத்தளத்தில் புத்தி கெட்ட மனிதர் எல்லாம்