பூஷண் இராமகிருஷ்ண கவாய்

மாண்புமிகு பூசண் இராமகிருஷ்ணா கவாய்
இந்திய உச்ச நீதிமன்ற நீதிபதி
பதவியில் உள்ளார்
பதவியில் 24 மே 2019
பரிந்துரைப்பு	ரஞ்சன் கோகோய்
நியமிப்பு	ராம் நாத் கோவிந்த்
பம்பாய் உயர் நீதிமன்ற நீதிபதி
பதவியில் நவம்பர் 14, 2003 – மே 23, 2019
பரிந்துரைப்பு	வி. நா. கரே
நியமிப்பு	ஆ. ப. ஜெ. அப்துல் கலாம்
தனிப்பட்ட விவரங்கள்
பிறப்பு	24 நவம்பர் 1960 (1960-11-24) (அகவை 64) அமராவதி, மகாராட்டிரம், இந்தியா
தேசியம்	இந்தியர்
பணி	நீதிபதி
இணையத்தளம்	https://www.sci.gov.in
மூலம்: [1]

பூசண் இராமகிருஷ்ணா கவாய் (Bhushan Ramkrishna Gavai, பிறப்பு: 24 நவம்பர் 1960), மே 14 2025 முதல் இந்திய உச்சநீதிமன்றத்தின் 52-ஆவது தலைமை நீதிபதியாகப் பணியாற்றி வருகிறார்.^[1] இவர் மும்பை உயர் நீதிமன்றத்தின் முன்னாள் நீதிபதியாக இருந்தார். மேலும் இவர் சில தேசிய சட்டப் பல்கலைக்கழகங்களின் வேந்தராகவும் பணியாற்றி வந்தார். ^[2][3][4] இவர் தேசிய சட்ட சேவை ஆணையத்தின் தலைமை அலுவல் புரவலராகவும் உள்ளார்.^[5]

நாக்பூரிலுள்ள மகாராட்டிரா தேசியச் சட்டப் பல்கலைக்கழகத்தின் முதல்வராக இருந்தார். உச்சநீதிமன்றத்தின் தலைமை நீதிபதியாக இருந்த சஞ்சீவ் கண்ணா மே 13 அன்று ஓய்வு பெற்றதைத் தொடர்ந்து தலைமை நீதிபதியாகப் பதவியேற்றார்.^[6][7][8]

கவாய், முன்னாள் பாரளுமன்ற உறுப்பினரும் முன்னாள் ஆளுனருமான இரா. சூ. கவாய் - கமலா இணையருக்கு மகனாகப் பிறந்தார். இவரது தந்தை இந்தியக் குடியரசுக் கட்சி (கவாய்) பிரிவை நிறுவி நடத்தி வந்தார். இவரது சகோதரர் இராஜேந்திர கவாயும் ஓர் அரசியல்வாதியாவார். இவரது குடும்பம் அம்பேத்கரால் ஈர்க்கப்பட்டு பௌத்த மதத்தைப் பின்பற்றுகிறது.^{[9][10][11][12]}

• JUSTICE Bhushan Ramkrishna Gavai Official Profile from Bombay High court website