மேட்டு மகாதானபுரம் பிடாரி பள்ளமுடிச்சம்மன் கோயில்

மேட்டு மகாதானபுரம் பிடாரி பள்ளமுடிச்சம்மன் கோயில் தமிழ்நாட்டில் கரூர் மாவட்டம், மேட்டு மகாதானபுரம் என்னும் ஊரில் அமைந்துள்ள ஓர் அம்மன் கோயிலாகும்.^[1] மேட்டுமகாதானபுரம் பிடாரியம்மன் கோயில் எனவும் அழைக்கப்படுகிறது. ^[2]

இக்கோயிலுள்ள பிடாரி அம்மன் எல்லைத் தெய்வமாக கருதப்படுகிறது. இக்கோயில் சுமார் 200 ஆண்டுகளுக்கு முன் இவ்வூர் மக்களால் கட்டப்பட்டதாக அறியப்படுகிறது.

இக்கோயில் பத்தொன்பதாம் நூற்றாண்டைச் சேர்ந்தது.^{[சான்று தேவை]}

இக்கோயிலில் ஒரு கோபுரம் உள்ளது. இக்கோயில் தொகுப்புக் கோயில் என்ற வகைப்பாட்டில் இந்து அறநிலையத்துறையின் கட்டுப்பாட்டில் உள்ளது. பரம்பரை அல்லாத அறங்காவலர் அமைப்பால் நிர்வகிக்கப்படுகிறது.^[3]

இக்கோயிலில் ஒருகாலப் பூசை நடக்கின்றது.

ஏழு ஊர்களின் மக்களைக் காக்கும் எல்லைத் தெய்வமாக இருப்பதால் 'ஏழூராள்' என்றும், பள்ளர் என்ற சமூகத்தினரால் பிடாரி சிலை கண்டெடுக்கப்பட்டதால் பள்ளம்படச்சி எனவும் அழைக்கப்படுகிறது.

ஆடிமாதம் முதல் வெள்ளி கிழமையில் சிறப்பு வழிபாடு, பூசை நடைபெறுகிறது. ^{[2] [4]}

மேட்டு மகாதானபுரத்திலுள்ள அங்காளம்மன் கோவில் திருவிழாவின் போது மேட்டு மகாதானபுரம் பிடாரி அம்மன் கோவிலில் இருந்து தாய் வீட்டு சீதனம் அழைத்துக் கொண்டு செல்லும் வழக்கம் உள்ளது. ^[5]

த. இ. க. வெளியிட்ட திருக்கோயில் தரவுத் தொகுதியின் அடிப்படையில் இக்கட்டுரையை உருவாக்கியுள்ளோம். திட்டப் பக்கம் காண்க.