விக்கிப்பீடியா:உள்ளடக்க மொழிபெயர்ப்புக் கருவி

விக்கிப்பீடியாவில் பயன்பாட்டில் இருக்கும் உள்ளடக்க மொழிபெயர்ப்புக் கருவி தொடர்பான பக்கம்.

இந்தக் கருவியில் Mint T, Google, Yandex ஆகிய மூன்று வழிகளில் மொழிபெயர்ப்பு செய்யலாம். ஆனால், இந்தக் கருவி அளிப்பது தொடக்கநிலை மொழி பெயர்ப்பு மட்டுமே என்பதையும் பயனர்கள், இயல்பாக கட்டுரையினை வாசிக்கும் வகையில் உருவாக்க பொறுப்பானவர்கள் என்பதைக் கவனத்தில் கொள்ள வேண்டும்.

இந்தக் கருவியினை அனைவரும் பயன்படுத்தலாம். ஆனால் தமிழ் விக்கிப்பீடியா கொள்கையின்படி நீங்கள் மொழிபெயர்ப்பாளர் எனும் அணுக்கம் பெற்றிருக்க வேண்டும்.

விக்கிப்பீடியா:மொழிபெயர்ப்பாளர் எனும் பக்கத்தில் விண்ணப்பித்துப் பெறலாம். அணுக்கம் தொடர்பான ஏனைய தகவல்களையும் அங்கே காணலாம்.

கட்டுரை உருவாக்கும் முறை:

• காணொளி
• உதவிப் பக்கம்

1. கூடுதல் கவனம் செலுத்தி, உடனடியாக மேம்படுத்த வேண்டும். ஒன்றை நிறைவு செய்த பிறகு, அடுத்த கட்டுரையை மொழிபெயர்க்க வேண்டும்.
2. கவனத்துடன் கட்டுரைத் தலைப்பினை தீர்மானிக்க வேண்டும்.

ஆங்கிலக் கட்டுரையில் 'மேலும் பார்க்கவும்' துணைத் தலைப்பின் கீழ், விக்கி உள்ளிணைப்புடன் பட்டியலிட்டுள்ளார்கள். அதனையும் மொழிபெயர்த்து, உள்ளிணைப்பு இல்லாது இங்கு பட்டியலிடுவது வாசகர்களுக்கு உதவாது (தமிழ் விக்கிப்பீடியாவில் ஏற்கனவே கட்டுரை இருந்தால் உள்ளிணைப்பு தந்து பட்டியலிடலாம்).

1. உரிய பகுப்புகளை இடுதல் வேண்டும். எடுத்துக்காட்டாக - பிறந்த ஆண்டு, இறந்த ஆண்டு, வாழும் நபர்கள் என்பவை மட்டும் போதாது, குறிப்பிட்ட துறைக்குரிய பகுப்பு இட வேண்டும்.
2. பொருத்தமற்ற பகுப்புகளை நீக்கவேண்டும். எடுத்துக்காட்டாக, காணொளிக் கோப்பு எதுவும் கடத்தப்படாத நிலையில் காணொளிக் கோப்பு உள்ள கட்டுரைகள் எனும் பகுப்பினை நீக்க வேண்டும்.

1. சொற்றொடர் அமைப்புகளை தமிழ் மொழிக்கு ஏற்ற வகையில் திருத்த வேண்டும்.
2. அவர் என எழுதாமல் இவர் என எழுதுவது நன்று. எடுத்துக்காட்டாக he is a great cricketer. அவர் ஒரு சிறந்த துடுப்பாட்டக்காரர் என எழுதாது இவர் ஒரு சிறந்த துடுப்பாட்டக்காரர் என எழுத வேண்டும். இவர் எனும் சொல்லையும் ஒரே பத்தியில் பல முறை வராது எழுதினால் நன்று.
3. selected filmography என்பதை 'தேர்ந்தெடுக்கப்பட்ட திரைப்படங்கள்' என எழுதாது, 'நடித்த சில திரைப்படங்கள்' என எழுத வேண்டும்.
4. நூற்றாண்டுகளைக் குறிப்பிடுகையில் 19-ஆம் என்று எழுத வேண்டும்.
5. ஆண்டு மாதம் நாட்கள் ஆகியவற்றைக் குறிப்பிடுகையில் 2000 மார்ச் 13 அன்று அல்லது மார்ச் 13 2000 இல் என எழுதவேண்டும்

நீங்கள் உருவாக்க விரும்பும் கட்டுரை ஏற்கனவே தமிழ் விக்கிப்பீடியாவில் இருந்து, விக்கித் தரவிலும் சேர்க்கப்பட்டிருந்தால் ஏற்கனவே இந்தப் பெயரில் கட்டுரை உள்ளது என அறிவிப்பு உங்களுக்கு வரும். அதனையும் மீறி நீங்கள் தகவல்களை இற்றை செய்துவிட்டு பதிப்பிக்க முயன்றால் இந்தப் படிமத்தில் காண்பது போன்றான (தற்போதுள்ள பக்கத்தை அழித்துவிட்டு பிரசுரிக்கவும்) எச்சரிக்கை வரும், இதனையும் மீறி நீங்கள் அந்தப் பக்கத்தைப் பதிப்பிப்பது தவறானது. அதனைச் செய்ய வேண்டாம்.

• கருவியின் தற்போதைய பதிப்பில் பத்தி வாரியாக கட்டுரையினை பதிப்பிக்க இயலும்.

• விக்கிப்பீடியா:தானியங்கித் தமிழாக்கம்