விஜயகரிசல்குளம்

விஜயகரிசல்குளம்
புறநகர்
நாடு	இந்தியா
மாநிலம்	தமிழ்நாடு
மாவட்டம்	விருதுநகர்
மொழிகள்
• அலுவல்	தமிழ், ஆங்கிலம்
• பேச்சு	தமிழ், ஆங்கிலம்
நேர வலயம்	ஒசநே+5:30 (இ. சீ. நே.)

விஜயகரிசல்குளம் என்பது தமிழ்நாட்டின் விருதுநகர் மாவட்டம், வெம்பக்கோட்டை வட்டம், வெம்பக்கோட்டை ஊராட்சி ஒன்றியத்தில் உள்ள விஜயகரிசல்குளம் ஊராட்சியில் அமைந்த கிராமம் ஆகும். இக்கிராமத்தில் தீப்பெட்டி உற்பத்தியை குடிசைத்தொழிலாக செய்கின்றனர்.

விஜயகரிசல்குளம், மாவட்டத் தலைமையிடமான விருதுநகரிலிருந்து தென்மேற்கே 42.6 கிலோ மீட்டர் தொலைவிலும்; தாலுகா தலைமையிடமான வெம்பக்கோட்டைக்கு வடகிழக்கே 5 கிலோ மீட்டர் தொலைவிலும் உள்ளது.

2011ம் ஆண்டின் மக்கள்தொகை கணக்கெடுப்பின்படி, விஜயகரிசல்குளம் கிராமத்தின் மொத்த மக்கள் தொகை 3,981 ஆகும். அதில் தாழ்த்தப்பட்ட பட்டியல் இன மக்கள் 298 ஆக உள்ளனர்.^[1]

விஜயகரிசல்குளத்தில் தமிழ்நாடு அரசு அரசின் தொல்லியல் துறை அகழாய்வு பணி மேற்கொண்டு வருகிறது. ^[2][3][4]மூன்றாம் கட்ட அகழாய்வின் போது சூன் 2024ல் சுடுமண்ணால் ஆன பெண் தலை பொம்மை கண்டெடுக்கப்பட்டது.^[5][6]