2017 நடு மெக்சிக்கோ நிலநடுக்கம்

2017 மத்திய மெக்சிக்கோ நிலநடுக்கம்
	மெக்சிக்கோ, புவெப்லாவில் நிலநடுக்க மையம்
நாள்	19 செப்டம்பர் 2017
தொடக்க நேரம்	18:14:39 UTC
கால அளவு	20 செக்கன்களுக்கு பலமான அதிர்வு
நிலநடுக்க அளவு	7.1 (Mw)
ஆழம்	51 கி.மீ. (32 மைல்)
நிலநடுக்க மையம்	18°35′02″N 98°23′56″W / 18.584°N 98.399°W
வகை	இறக்கச் சறுக்கல் (உட்தட்டு)
அதிகபட்ச செறிவு	VIII (கடுமை)]]
உயிரிழப்புகள்	குறைந்தது 230 பேர் இறப்பு, 800+ காயம்

2017 நடு மெக்சிக்கோ நிலநடுக்கம் (2017 Central Mexico earthquake) 2017 செப்டம்பர் 19 அன்று பிற்பகல் 13:14 நநேவ (18:14 ஒசநே) 7.1 M_W அளவுடன் மெக்சிக்கோவின் புவெப்லா நகரில் இருந்து 55 கி.மீ. தெற்கே தாக்கியது. ஏறத்தாழ 20 செக்கன்களுக்கு மிகப்பலமான அதிர்வுகள் உணரப்பட்டன. இந்நிலநடுக்கத்தால் மெக்சிக்கோவின் புவெப்லா, மொரேலொசு ஆகிய மாநிலங்களும், மெக்சிக்கோ நகரமும் பாதிப்புக்குள்ளாயின. நாற்பதிற்கும் அதிகமான கட்டிடங்கள் இடிந்து வீழ்ந்தன.^[1]^[2]^[3] மெக்சிக்கோ நிலநடுக்க எச்சரிப்பு மையம் மெக்சிக்கோ நகரில் 20 செக்கன்கள் எச்சரிக்கையை அறிவித்தது. குறைந்தது 230 பேர் உயிரிழந்ததாக இரண்டாம் நாள் செய்திகள் தெரிவித்தன.^[4] 800 இற்கும் அதிகமானோர் காயமடைந்தனர்.^[5]

இந்நிலநடுக்கம் ஏற்படுவதற்கு 2 மணித்தியாலங்களுக்கு முன்னர், மெக்சிக்கோவில் 1985 ஆம் ஆண்டு நிலநடுக்க அழிவுகள் நினைவுகூரப்பட்டது. 1985 ஆம் ஆண்டில் இதே நாளன்று மெக்சிக்கோவைத் தாக்கிய நிலநடுக்கம் 10,000 இற்கும் அதிகமானோரைக் கொன்றது.^[6]^[7]