2023 இராய்கட் நிலச்சரிவு

சூலை 19, 2023 அன்று உள்ளூர் நேரப்படி, இந்தியாவின் மகாராட்டிராவில் ராய்கட் நிலச்சரிவு ஏற்பட்டது. இந்த நிலச்சரிவு பலத்த மழையால் ஏற்பட்டது, இதன் விளைவாக குறைந்தது 26 பேர் இறந்தனர், 100 க்கும் மேற்பட்டோர் இடிபாடுகளுக்குள் சிக்கியதாக மதிப்பிடப்பட்டது.^[1][2][3]

நிலச்சரிவுக்கு முந்தைய நாட்களில், இந்தியாவில் குறிப்பிடத்தக்க மழைப்பொழிவு இருந்தது. இதன் காரணமாக யமுனை நதியில் 45 ஆண்டு கால அளவில் இல்லாத அளவு நீர் மட்டம் உயர்ந்தது.^[4] நிலச்சரிவு ஏற்பட்ட பகுதி நிகழ்வுக்கு இரண்டு நாட்களுக்கு முன்பு "ஆரஞ்சு" எச்சரிக்கையின் கீழ் இருந்தது.^[5]

மகாராட்டிராவின் தலைநகரான மும்பையிலிருந்து சுமார் 60 கிலோமீட்டர் (37 மைல்) தொலைவில் உள்ள தொலைதூர மலை குக்கிராமமான இர்ஷல்வாடியில், சூலை 19,2023 அன்று இரவு 9.30 மணிக்கு நிலச்சரிவு ஏற்பட்டது. இந்த கிராமம் வார இறுதி மலையேற்றத்திற்கான பிரபலமான இடமான இர்ஷல்கட் கோட்டைக்கு அருகில் அமைந்துள்ளது. பெரும்பாலான கிராமவாசிகள் தாகூர் ஆதிவாசி சமூகத்தைச் சேர்ந்தவர்கள் மற்றும் பல தலைமுறைகளாக இந்தப் பகுதியில் வசித்து வருகின்றனர்.^[6] இந்த நிலச்சரிவிலிருந்து 98 பேர் மீட்கப்பட்டனர், 26 உடல்கள் மீட்கப்பட்டன. ஒரே குடும்பத்தைச் சேர்ந்த ஒன்பது பேர் இறந்தனர். ^[7] மகாராட்டிராவின் துணை முதல்வர் தேவேந்திர பத்னாவிசு மாநில சட்டசபையில், இந்த குக்கிராமத்தில் 225 பேர் வாழ்ந்ததாக மதிப்பிடப்பட்டுள்ளது என்று குறிப்பிட்டார்.

சில இடங்களில், புதைவுகள் 10-29 அடி (3.0 - 8.8 மீ) ஆழமாக இருந்தன. குறைந்தது 109 பேர் இடிபாடுகளுக்கு அடியில் காணவில்லை. ^[8][9] குக்கிராமத்தில் உள்ள 50 வீடுகளில் பதினேழு வீடுகள் சேதமடைந்தன.

தேசிய பேரிடர் மீட்புப் படை, காவல்துறை மற்றும் மருத்துவ குழுக்கள் நிவாரண முயற்சிகளில் ஈடுபட்டன, இது 2023 சூலை 20 ஆம் தேதி பிற்பகுதியில் பலத்த மழை காரணமாக நிறுத்தப்பட்ட பின்னர் 2023 சூலை 21 காலை மீண்டும் தொடங்கியது. அகழ்வாளர்கள் அந்த இடத்திற்கு விமானத்தில் கொண்டு செல்லப்பட்டனர், மேலும் மீட்புப் பணியாளர்கள் அந்த இடத்தை அடைய அருகிலுள்ள நெடுஞ்சாலையிலிருந்து 1.50 கிமீ தூரம் பயணிக்க வேண்டியிருந்தது.

மகாராட்டிரா முதலமைச்சர் ஏக்நாத் சிண்டே இறந்தவர்களின் குடும்பங்களுக்கு 500,000 இந்திய ரூபாய் இழப்பீடு வழங்குவதாக அறிவித்தார்.^[10]