2024 பாக்கித்தான் பொதுத் தேர்தல்

2024 பாகிஸ்தான் பொது தேர்தல்
	பாகிஸ்தான் தேசிய நாடாளுமன்ற மக்களவைத் தொகுதிகளைக் காட்டும் வரைபடம்
நடப்பு தற்காலிக பிரதம அமைச்சர்; அன்வர் உல் ஹக் காக்கர்; சுயேச்சை	; ;

2024 பாகிஸ்தான் நாடாளுமன்ற மக்களவைத் தேர்தல் 8 பிப்ரவரி 2024 அன்று336 மக்களவை தொகுதிகளுக்கு தேர்தல் நடைபெறுவதாக, பாகிஸ்தான் தேர்தல் ஆணையம் 15 டிசம்பர் 2023 அறிவிக்கையும், தேர்தல் அட்டவணையும் வெளியிட்டது. இத்தேர்தலுடன் பாகிஸ்தானின் 4 மாகாணங்களின் சட்டமன்றத் தேர்தல்களும் நடத்தப்பட உள்ளது.

நாடாளுமன்றத் தேர்தலில் முக்கியமாக இம்ரான் கான் தலைமையிலான பாக்கித்தான் தெஹரீக்-எ-இன்சாஃப், கோகர் அலி கான் தலைமையிலான பாக்கித்தான் தெஹரீக்-எ-இன்சாஃப் கட்சி, நவாஸ் ஷெரீப் பாகிஸ்தான் முஸ்லீம் லீக் (என்) கட்சி மற்றும் பிலாவல் பூட்டோ ஜர்தாரி தலைமையிலான பாக்கித்தான் மக்கள் கட்சி போட்டியிடுகிறது.

பின்னணி

பாகிஸ்தான் நாடாளுமன்ற மக்களவையின் பதவிக்காலம் 5 ஆண்டுகள். கடைசியாக 25 சூலை 2018 அன்று நாடாளுமன்றத் தேர்தல் நடைபெற்றது. தற்போதைய நாடாளுமன்றத்தின் பதவிக்காலம் முடிவுற்றதால் தேர்தல்கள் நடைபெறுகிறது.

தேர்தல் அட்டவணை

பாகிஸ்தான் நாடாளுமன்ற மக்களவைக்கான 336 தொகுதிகளுக்கான தேர்தலை 8 பிப்ரவரி 2024 நடத்த தேர்தல் ஆணையம் 15 டிசம்பர் 2023 அன்று அறிவிக்கை அட்டவணை வெளியிட்டது. ^[1]

வரிசை எண்	தேர்தல் நிகழ்வு	அட்டவனை
1	தேர்தல் நடத்தும் அலுவலர் அறிவிக்கை வெளியிடல்	19 டிசம்பர் 2023
2	வேட்பு மனு தாக்கல் செய்தல்	20 டிசம்பர் 2023 முதல் 22 டிசம்பர் 2023 வரை
3	வேட்பு மனு தாக்கல் செய்தவர்களின் பெயர்களை வெளியிடல்	23 டிசம்பர் 2023
4	வேட்பு மனு பரிசீலனை முடிவு நாள்	24 டிசம்பர் 2023 to 30 டிசம்பர் 2023
5	வேட்பு மனு மீதான் ஆட்சேபனைகளை பரிசீலித்து முடிவு செய்தல்	3 சனவரி 2024
6	வேட்பு மனுக்களை மேல்முறையீட்டு தீர்வாணையம் முடிவு செய்தல்	10 சனவரி 2024
7	திருந்திய வேட்பாளர்களின் பெயர்களை வெளியிடுதல்	11 சனவரி 2024
8	வேட்பு மனு திரும்பப் பெறும் நாள்	12 சனவரி 2024
9	வேட்பாளர்களுக்கு தேர்தல் சின்னங்கள் ஒதுக்கும் நாள்	13 சனவரி 2024
10	தேர்தல் நாள் & வாக்கு எண்ணிக்கை நாள்	8 பிப்ரவரி 2024

தேர்தல் நடைமுறை

பாகிஸ்தான் நாடாளுமன்றத்தின் மொத்தமுள்ள 336 இடங்களில் 266 இடங்களுக்கு நேரடித் தேர்தல் மூலம் உறுப்பினர்கள் தேர்ந்தெடுக்கப்படுகிறார்கள்.^[2] பெண்களுக்கு ஒதுக்கப்பட்ட 60 இடங்கள் விகிதாசாரப் பிரதிநிதித்துவத் தேர்தல் முறை யில், பாக்கித்தானின் 4 மாகாணங்களில் ஒவ்வொரு அரசியல் கட்சியும் பெற்ற மொத்த வாக்குகள் அடிப்படையில் ஒதுக்கப்படுகிறது.

அரசியல் கட்சிகள்

		கோரிக்கை கருத்தியல்	தலைவர்	வாக்கு பங்கீடு in 2018	2018 நாடாளுமன்றத் தேர்தல்	தேர்தலுக்கு முந்தைய இடங்கள்
PTI	பாக்கித்தான் தெஹரீக்-எ-இன்சாஃப்	மக்களைக் கவரும் கொள்கை இஸ்லாமிய ஜனநாயகம் ஊழல் எதிர்ப்பு	இம்ரான் கான்	31.82%	116 / 272	149 / 342
PML(N)	பாகிஸ்தான் மக்கள் கட்சி (நவாஸ்)	பழைமை வாதம் பொருளாதார விடுதலை கூட்டாட்சி	நவாஸ் ஷெரீப்	24.35%	64 / 272	82 / 342
PPP	பாகிஸ்தான் மக்கள் கட்சி	சமூக ஜனநாயகம் இஸ்லாமிய ஜனநாயகம் முன்னேற்றம்	பிலாவல் பூட்டோ ஜர்தாரி	13.03%	43 / 272	54 / 342
JUI-F	ஜமியத் இ இஸ்லாம் (பாசில்)	இசுலாமியம் பழமைவாதம்	பாசில் உர் ரகுமான்	4.85%	11 / 272	14 / 342
JI	ஜமாத் இ இஸ்லாமி பாகிஸ்தான்	இஸ்லாமியம் சமூக பழமைவாதம்	சிராஜ் உல் ஹக்	4.85%	1 / 272	1 / 342
MQM(P)	முத்தஹிதா குவாமி இயக்கம்	தாராளவாதம் சமூக தாராளவாதம் சமூக ஜனநாயகம் புலம்பெயர்ந்தோர் தேசியவாதம் மதச்சார்பின்மை	காலித் மக்பூர் சித்திக்	1.38%	6 / 272	7 / 342
TLP	டெக்ரீக் இ லப்பைக் பாகிஸ்தான்	இசுலாமியவாதம்	சாத் உசைன் ரிஸ்வி	4.21%	0 / 272	0 / 342
GDA	ஜனநாயகப் பெருங்கூட்டணி	பிரதேச வாதம்	பகோரோவின் எட்டாம் பீர்	2.37%	2 / 272	3 / 342
ANP	அவாமி தேசிய கட்சி	பஷ்தூன் தேசியவாதம் ஜனநாயக சோசலிசம்	அஸ்பன்தியர் வாலி கான்	1.54%	1 / 272	1 / 342
PML(Q)	பாகிஸ்தான் முஸ்லீம் லீக் (Q)	பழமைவாதம் தேசியவாதம்	சுஜாத் உசைன்	0.97%	4 / 272	5 / 342
BAP	பலுசிஸ்தான் அவாமி கட்சி	கூட்டாச்சி இஸ்லாமிய ஜனநாயகம்	காலித் உசைன் மக்சி	0.60%	4 / 272	5 / 342
BNP(M)	பலுசிஸ்தான் தேசிய கட்சி (எம்)	பலூச்சி தேசியவாதம்	அக்தர் மெங்கல்	0.45%	3 / 272	4 / 342
AML	அவாமி முஸ்லீம் லீக் (பாகிஸ்தான்)	இஸ்லாமியவாதம்	சேக் ரசீத் அகமது	0.22%	1 / 272	1 / 342
JWP	ஜம்பூரி வட்டன் கட்சி	பலூச் தேசியவாதம்	சாஜெயின் புக்தி	0.04%	1 / 272	1 / 342