ஐசிசி உலகத் தேர்வுத் துடுப்பாட்ட வாகை

ஐசிசி உலகத் தேர்வுத் துடுப்பாட்ட வாகை
ICC World Test Championship
நிர்வாகி(கள்)	பன்னாட்டுத் துடுப்பாட்ட அவை
வடிவம்	தேர்வுத் துடுப்பாட்டம்
முதல் பதிப்பு	2019–2021
கடைசிப் பதிப்பு	2021–2023
அடுத்த பதிப்பு	2023–2025
போட்டித் தொடர் வடிவம்	முதல்நிலைப் போட்டிகள், இறுதிப்போட்டி
மொத்த அணிகள்	9
தற்போதைய வாகையாளர்	ஆத்திரேலியா; (1st title)
அதிகமுறை வெற்றிகள்	நியூசிலாந்து; ஆத்திரேலியா; (ஒவ்வொன்றும் 1 முறை)
அதிகபட்ச ஓட்டங்கள்	ஜோ ரூட் (4050)
அதிகபட்ச வீழ்த்தல்கள்	நேத்தன் லியோன் (139)
	2023–2025 ஐசிசி உலகத் தேர்வுத் துடுப்பாட்ட வாகை

ஐசிசி உலகத் தேர்வுத் துடுப்பாட்ட வாகை (ICC World Test Championship), அல்லது தேர்வுத் துடுப்பாட்ட உலகக்கிண்ணம் (Test World Cup), என்பது பன்னாட்டுத் துடுப்பாட்ட அவை (ஐசிசி) இனால் நடத்தப்படும் தேர்வுத் துடுப்பாட்டத்திற்கான குழு-நிலைப் போட்டித் தொடர் ஆகும். இது 2019 ஆகத்து 1 இல் தொடங்கப்பட்டது.^[1]^[2]^[3]

முதலில் இந்தத் தொடரை 2013 வாகையாளர் கோப்பைக்குப் பதிலாக 2009 இல் நடத்த ஐசிசி திட்டமிட்டிருந்தது. ஆனால் அந்த முயற்சி கைவிடப்பட்டு, 2017 சூனில் இந்தத் தொடரை நடத்தத் திட்டமிடப்பட்டது. தற்போது இதன் முதல் தொடர் ஆகஸ்ட் 2019 முதல் சூன் 2021 வரை நடத்தப்படும் என்று ஐசிசி அறிவித்தது. 9 அணிகள் பங்கேற்கும் இந்தத் தொடரில் முடிவுக்கு ஏற்றவாறு புள்ளிகள் வழங்கப்படும். இறுதியாக புள்ளிப்பட்டியலில் முதல் இரண்டு இடங்களைப் பெறும் அணிகள் இறுதிப்போட்டியில் விளையாடும்.^[4]^[5]

அக்டோபர் 2017 இல், தேர்வுத் துடுப்பாட்டக் குழு ஒன்று அதன் உறுப்பினர்களால் ஒப்புக் கொள்ளப்பட்டதாக ஐசிசி அறிவித்தது, இதில் இரண்டு ஆண்டுகளில் முதல் ஒன்பது அணிகள் தொடரில் விளையாடும், முதல் இரண்டு இடங்களைக் கைப்பற்றும் அணிகள் உலக தேர்வுத் துடுப்பாட்ட லீக் வாகை இறுதிப் போட்டிக்கு தகுதி பெறும். இது ஒரு ஒரு ஐசிசி நிகழ்வாக நடைபெறும்.^[6] முதல்நிலை ஆட்டங்கள் ஐசிசி நிகழ்வாகக் கருதப்படவில்லை, அத்துடன் ஒளிபரப்பு உரிமைகள் நடத்தும் நாட்டின் துடுப்பாட்ட வாரியத்திடம் இருந்தன. ஆனால் முதல்நிலைப் போட்டிகளைப் போலல்லாமல், இறுதிப் போட்டிகள் ஐசிசி நிகழ்வாக இருந்தன. முதல் ஐசிசி உலகத் துடுப்பாட்ட வாகை முதல்நிலைப் போட்டிகள் 2019 ஆஷசுத் தொடருடன் தொடங்கி, சூன் 2021 இல் இறுதிப் போட்டியில் இந்தியாவைத் தோற்கடித்து நியூசிலாந்து கோப்பையைக் கைப்பற்றியது. இரண்டாவது ஐசிசி உலகத் துடுப்பாட்ட வாகை முதல்நிலைப் போட்டிகள் 2021 ஆகத்து 4 அன்று பட்டோடி பதக்கத் தொடருடன் தொடங்கி,^[7] சூன் 2023 இறுதிப் போட்டியில் இந்தியாவை வீழ்த்தி ஆத்திரேலியா கோப்பையை வென்றது.

வரலாறு

ஆண்டு	நடத்தும் நாடு(கள்)	இறுதி					மேற்கோள்(கள்)
ஆண்டு	நடத்தும் நாடு(கள்)	அரங்கு	வெற்றியாளர்கள்	முடிவு	இரண்டாமிடம்	ஆட்ட நாயகன்	மேற்கோள்(கள்)
2019–2021	இங்கிலாந்து	உரோசு பவுல், சவுத்தாம்டன்	நியூசிலாந்து 249 & 140/2	நியூசிலாந்து 8 இலக்குகளால் வெற்றி ஓட்டப்பலகை	இந்தியா 217 & 170	கைல் ஜமீசன்	^[8]^[9]^[10]
2021–2023	இங்கிலாந்து	தி ஓவல், இலண்டன்	ஆத்திரேலியா 469 & 270/8வி	ஆத்திரேலியா 209 ஓட்டங்களால் வெற்றி ஓட்டப்பலகை	இந்தியா 296 & 234	திராவிசு கெட்	^[11]^[12]^[13]
2023–2025	இங்கிலாந்து	இலார்ட்சு, இலண்டன்	அறிவிக்கப்படவில்லை

அணிகள் பெற்ற தரவரிசை

அனைத்து தேர்வு-நாடுகளின் செயல்பாடுகளின் கண்ணோட்டம்:

தொடர் அணி	2019 –2021	2021 –2023	2023 –2025	தோற்.
ஆத்திரேலியா	3-ஆவது	வெ	த	2
வங்காளதேசம்	9-ஆவது	9-ஆவது	த	2
இங்கிலாந்து	4-ஆவது	4-ஆவது	த	2
இந்தியா	2-ஆம்	2-ஆம்	த	2
நியூசிலாந்து	வெ	6-ஆவது	த	2
பாக்கித்தான்	6-ஆவது	7-ஆவது	த	2
தென்னாப்பிரிக்கா	5-ஆவது	3-ஆவது	த	2
இலங்கை	7-ஆவது	5-ஆவது	த	2
மேற்கிந்தியத் தீவுகள்	8-ஆவது	8-ஆவது	த	2

குறிப்பு:

வெ	வெற்றியாளர்
2-ஆம்	இரண்டாமிடம்
3-ஆவது	மூன்றாமிடம்
த	தகுதி பெற்றவர்
—	விளையாவில்லை