தி. வேல்முருகன்

தி. வேல்முருகன் T. Velmurugan
சட்டமன்ற உறுப்பினர்
பதவியில் உள்ளார்
பதவியில் 2021
தொகுதி	பண்ருட்டி
பதவியில் 2001–2011
தனிப்பட்ட விவரங்கள்
பிறப்பு	புலியூர், கடலூர் மாவட்டம், தமிழ்நாடு, இந்தியா
தேசியம்	இந்தியர்
அரசியல் கட்சி	தமிழக வாழ்வுரிமைக் கட்சி
பிற அரசியல் தொடர்புகள்	பாட்டாளி மக்கள் கட்சி
பணி	அரசியல்வாதி

தி. வேல்முருகன் தமிழ்நாட்டைச் சேர்ந்த அரசியல்வாதியும் தமிழக சட்டப்பேரவை உறுப்பினருமாவார். பாட்டாளி மக்கள் கட்சியின் வேட்பாளராகப் பண்ருட்டித் தொகுதியிலிருந்து 2001இலும் 2006இலும் மாநில சட்டப்பேரவைக்குத் தேர்ந்தெடுக்கப்பட்டார்.^[1][2] 2011 தேர்தலில், புதியதாக உருவாக்கப்பட்ட நெய்வேலி சட்டமன்றத் தொகுதியிலிருந்து போட்டியிட்டு அதிமுகவின் எம்.பி.எஸ். சிவசுப்பிரமணியனிடம் 8000 வாக்குகள் வித்தியாசத்தில் தோல்வியடைந்தார். பாட்டாளி மக்கள் கட்சியின் இணைப் பொதுச்செயலாளராக விளங்கிய வேல்முருகன் கட்சிக் கட்டுப்பாட்டை மீறியதற்காக 2011 நவம்பர் 1 அன்று கட்சியிலிருந்து நீக்கப்பட்டார்.^[3][4]

பின்னர் 2012 தை முதல் நாள், தமிழக வாழ்வுரிமைக் கட்சி எனும் புதிய கட்சியைத் தொடங்கினார். 2021 ஆம் ஆண்டில் நடைபெற்ற சட்டமன்றத் தேர்தலில் பண்ருட்டித் தொகுதியில் இருந்து திமுக சார்பில் சட்டமன்ற உறுப்பினரானார்.^[5]