Балыклар йолдызлыгы

Хут
Хут сурәтне зурайтырга өчен чиртегез
Латинча исем	Pisces (иял. к.: Piscium)
Кыскартма	Psc
Нигез	балык
Туры калкулык	22^сәг 45^мин тан 02^сәг 00^мин кача
Авышлык	−7° тан +33° кача
Мәйдан	889 кв. градус (14 урын)
Иң якты йолдызлар (зурлык < 3^m)	юк; иң якты η Psc — 3,62^m
Метеор агымнары	Пискилар
Янәшә йолдызлыклар	Хәмәл Өчпочмак Кит Андромеда Пегас Дәлү
Йолдызлык +83° тан −57° кача киңлекләрендә күренә. Русия территориясендә иң яхшы күренүчәнлек вакыты — октябрь.

Балыклар йолдызлыгы (гарәп. الحوت‎ — «зур балык»^[1]; бор. төрк. Balḯq,^[2] шулай ук Хут йолдызлыгы; лат. Pisces) — Дәлү һәм Хәмәл йолдызлыклары арасындагы зур зодиак йолдызлыгы. Гадәттә аны «Төньяк Балык»ка (Андромеда астында) һәм «Көнбатыш Балык»ка (Пегас һәм Дәлү арасында) бүләләр. Хут йолдызлыгында язгы көн белән төн тигезлеге ноктасы урнашкан. Кояш 12 марттан 18 апрельгә кадәр Хут йолдызлыгында була. Иң яхшы күренүчәнлек шартлары сентябрь–октябрь айларында. Россиянең бөтен территориясендә күренә.

Йолдызлар

Иң якты йолдызлар +3,6; +3,7 һәм +3,8 күренмә йолдызча зурлык белән.

Балыклар α — Әлришә (гарәп. الرشاء‎ — «бау»; рус. Альриша), икеле йолдыз, 139 яктылык елы ераклыкта урнашкан. Йолдызның A әгъзасы +4,33 йолдызча зурлык, ә B әгъзасы — +5,23 йолдызча зурлык белән ялтырыйлар. Алар уртак масса үзәге тирәсендә 720 еллы период белән әйләнәләр.

Искәрмәләр

↑ Хут — 1) диңгездәге бик зур балык; 2) кит балыгы; 3) зодиак тамгалары буенча 22 февральдән 22 нче март арасында булган вакыт. — Гарәпчә-татарча-русча алынмалар сүзлеге: татар әдәбиятында кулланылган гарәп һәм фарсы сүзләре / К.З. Хәмзин, М.И. Мәхмүтов, Г.Ш. Сәйфуллин. — Казан: Тат. кит. нәшр., 1965. — 792 б. — Б. 667.
↑ https://www.google.de/books/edition/A_Dictionary_of_Early_Middle_Turkic/roCjEAAAQBAJ?hl=ru&gbpv=1&dq=A+Dictionary+of+Early+Middle+Turkic+-+Hendrik+Boeschoten+-+2022&printsec=frontcover

Зодиак йолдызлыклары