Іван Паўлавіч Собалеў

Іван Паўлавіч Собалеў
Дата нараджэння	30 кастрычніка (12 лістапада) 1907
Месца нараджэння	Шапуры, Віцебскі павет, Віцебская губерня, Расійская імперыя
Дата смерці	27 кастрычніка 1989(1989-10-27) (81 год)
Месца смерці	Віцебск, Віцебская вобласць, БССР, СССР
Грамадзянства	СССР
Род войскаў	інжынерныя войскі
Бітвы/войны	Вялікая Айчынная вайна
Узнагароды і званні	ганаровы грамадзянін горада Віцебска (13 кастрычніка 1977)

Іва́н Па́ўлавіч Со́балеў (11 лістапада 1907 — 27 кастрычніка 1989) — удзельнік Вялікай Айчыннай вайны. Герой Савецкага Саюза (1943). Ганаровы грамадзянін Віцебска (13.10.1977)^[1].

І. П. Собалеў нарадзіўся ў вёсцы Шапуры Віцебскага павета (зараз Віцебскага раёна Віцебскай вобласці). Скончыў сямігодку ў Сялютах^[2]. Працаваў на інструментальным заводзе ў Віцебску. У Чырвонай Арміі з 1927 года. У 1931 годзе скончыў Ленінградскае ваенна-інжынернае вучылішча. Падчас Вялікай Айчыннай вайны на фронце з 1941 года.
Камандзір 19-га асобнага матарызаванага пантонна-маставога батальёна (7-я гвардзейская армія, Стэпавы фронт) падпалкоўнік І. П. Собалеў вызначыўся у верасні 1943 г. пры фарсіраванні Дняпра на ўчастку Салошына — Мішурын Рог у васьмідзесяці кіламетрах на поўдзень ад горада Крамянчуг (Украіна).
Ваяваў на 3-м Прыбалтыйскім, 2-м Украінскім, 1-м Украінскім франтах. Удзельнік вызвалення Прагі.

Указам Прэзідыума Вярхоўнага Савета СССР ад 26 кастрычніка 1943 года падпалкоўніку Собалеву І. П. прысвоена званне Героя Савецкага Саюза.

Пасля вайны І. П. Собалеў працягваў службу ў Савецкай Арміі. У 1952 годзе скончыў Вышэйшую афіцэрскую інжынерную школу. З 1955 года палкоўнік І. П. Собалеў у адстаўцы. Жыў і працаваў у Віцебску.

• Медаль «Залатая Зорка»
• Два ордэны Леніна
• 3 ордэны Чырвонага сцяга
• Ордэн Айчыннай вайны 1 ступені
• Ордэн Айчыннай вайны 2 ступені
• 2 ордэны Чырвонай Зоркі,

медалі.

• Собалеў Іван Паўлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 72. — 10 000 экз. — ISBN 985-11-0035-8. — ISBN 985-11-0251-2 (т. 15).
• Долготович Б. Д. Почётные граждане белорусских городов: биограф. справочник (руск.) / Б. Д. Долготович. — Мн.: Беларусь, 2008. — С. 65—66. — 368 с. — 2 000 экз. — ISBN 978-985-01-0784-8.
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

• Іван Паўлавіч Собалеў на сайце «Героі краіны»
• Собалеў Іван Паўлавіч на сайце анлайн-энцыклапедыі «Беларусь у асобах і падзеях»
• Почётные граждане Витебска Архівавана 27 мая 2013. (руск.)
• Соболев Иван Павлович (руск.) // Праект «Память народа»