Ігар Васілевіч Тапілін

Ігар Васілевіч Тапі́лін^[1] (руск.: Игорь Васильевич Топилин; 22 ліпеня 1947, Краснадар, Расія — 5 лістапада 2022^{[крыніца?]}, Масква, Расія) — беларускі мастак-пастаноўшчык і жывапісец.

Скончыў у 1973 годзе Усесаюзны дзяржаўны інстытут кінематаграфіі ў Маскве. Вучыўся ў Ю. Піменава, І. Шпінеля. Удзельнік мастацкіх выставак з 1973 года. З 1973 года мастак-пастаноўшчык кінастудыі «Беларусьфільм», працуе таксама ў жывапісе^[2].

Член Беларускага саюза мастакоў з 1993 года. Член Саюза кінематаграфістаў з 1983 года. Жыве ў горадзе Мінску^[2].

Асноўныя фільмы: «Пра чырвоную шапачку» (1975), «Прышліце тэлеграму ў доўг^[ru]» (1976), «П’едэстал»^[2], «Чалавек, які браў інтэрв’ю»^[1] (1986), «Маці ўрагану» (1994), «Сівая легенда» (1995), «Маскоўская сувязь», «Супермозг», «Кааператыў „Паліт-бюро“^[ru]» (1996), «На чыгунцы», «Бабін Яр» (2001); жывапісныя палотны «Нацюрморт» (1991), «Парк» (1993), «Трафарэты» (1995), «Пасьянс» і «Юдзіф і Алаферн» (абедзве 1997), «Адпачынаю» (1998), «Правінцыяльны горад» (2000)^[1], «Горад», «Вячэра з маскай», «Бакал», «Тэатр», «Грамадзяне горада», «У парку»^[2].

Творы знаходзяцца ў Нацыянальным мастацкім музеі Беларусі, фондах БСМ і Міністэрства культуры Расіі^[2].

• Тапі́лін Ігар Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 430. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тапілін Ігар Васільевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.