Ігар Сяргеевіч Засімовіч

Ігар Сяргеевіч Засімовіч
Ігар Сяргеевіч Засімовіч
Дата нараджэння	18 чэрвеня 1966 (58 гадоў)
Месца нараджэння	Мінск, БССР, СССР;
Род дзейнасці	скульптар
Жанр	манументальна-дэкаратыўная скульптура і станковая скульптура
Вучоба	Мінскае мастацкае вучылішча імя А. К. Глебава (1986); Беларуская акадэмія мастацтваў (1994);
Член у	Беларускі саюз мастакоў; Беларускі саюз дызайнераў;
	Медыяфайлы на Вікісховішчы

Ігар Сяргеевіч Засімовіч (нар. 18 чэрвеня 1966, Мінск) — беларускі скульптар.

Біяграфія

Скончыў у 1986 годзе Мінскае мастацкае вучылішча, у 1994 годзе — Беларускую акадэмію мастацтваў^[1]. У 1994 годзе стажыраваўся ў Бад-Гандэрсгайме (Германія).

3 1989 года ўдзельнік мастацкіх выставак^[1]^[2]. У 1996 годзе — камісар пленэру па скульптуры «Размова з камянямі» (Мінск). У 2006 г. — камісар пленэру па гарадской скульптуры ў камені «Мінск-2006»^[2].

Член Беларускага саюза мастакоў з 1995 года, член Беларускага саюза дызайнераў з 2006 года^[2].

Жыве і працуе ў Мінску^[2].

Творчасць

Працуе ў манументальна-дэкаратыўнай, станковай і паркавай скульптуры. Матэрыял — камень, бронза, граніт^[1].

Сярод твораў: кампазіцыі «Змяя» (Мінск), «Арфа» (Астравец Гродзенскай вобласці), «Выкраданне Еўропы» (Вільнюс), фантаны ў гарадах Козмін Велікапольскі і Кратошын (Польшча)^[1], помнік у гонар з’яўлення абраза Маці Божай Мінскай у Мінску (2015, у сааўтарстве з Дзмітрыем Аганавым і архітэктарам Сяргеем Багласавым), крыж у гонар першага згадвання Азярычына.

Творы знаходзяцца ў Музеі сучаснага выяўленчага мастацтва, Траццякоўскай галерэі (Масква)^[1], у прыватных калекцыях Беларусі і за яе межамі^[2].

Зноскі

↑ ^а ^б ^в ^г ^д Засімовіч Ігар Сяргеевіч // Сучасная беларуская скульптура. XXI стагоддзе [Выяўленчы матэрыял]: альбом / аўтар тэксту, складанне, пераклад на беларускую мову: К. С. Аксёнава. — Мн.: БелЭн, 2012. — 358 с. — ISBN 978-985-11-0574-4.
↑ ^а ^б ^в ^г ^д «ТРОГАТелЬная выставка». З 18 мая па 25 ліпеня 2011 года

Літаратура

Засімовіч Ігар Сяргеевіч // Сучасная беларуская скульптура. XXI стагоддзе [Выяўленчы матэрыял]: альбом / аўтар тэксту, складанне, пераклад на беларускую мову: К. С. Аксёнава. — Мн.: БелЭн, 2012. — 358 с. — ISBN 978-985-11-0574-4.