Абрам Барысавіч Забораў

Абрам Барысавіч Забораў
Дата нараджэння	18 лютага 1911(1911-02-18)
Месца нараджэння	Лёзна, Аршанскі павет, Магілёўская губерня, Расійская імперыя
Дата смерці	1985
Месца смерці	Кфар-Сава, Petah Tikva (sub-district)[d], Цэнтральная акруга, Ізраіль
Грамадзянства	Расійская імперыя  СССР  Ізраіль
Дзеці	Барыс Забораў
Род дзейнасці	мастак
Жанр	сюжэтна - тэматычная карціна, гістарычная карціна, пейзаж, партрэт
Вучоба	Беларускі дзяржаўны мастацкі тэхнікум (1930)
Мастацкі кірунак	рэалізм
Узнагароды
Медыяфайлы на Вікісховішчы

Абрам Барысавіч Забораў (18 лютага 1911, м. Лёзна, у Аршанскім павеце, Магілёўская губерня — 1985, г. Кфар—Сава) — беларускі жывапісец і графік, бацька вядомага мастака Барыса Заборава.

У 1930 годзе скончыў Віцебскі мастацкі тэхнікум, дзе яго настаўнікамі былі М. Эндэ і В. Руцай. З 1931 года жыў і працаваў у г. Мінску.

Удзельнічаў у вайне супраць нацысцкай Германіі (1941—1945), гвардыі лейтэнант.

Быў сябрам Саюза мастакоў БССР да 1978 года. За творчыя поспехі быў узнагароджаны дзвюма Граматамі Вярхоўнага Савета БССР.

У 1979 годзе эмігрыраваў у Ізраіль.

Працаваў у розных жанрах станковага жывапісу.

Аўтар сюжэтна-тэматычных карцін:

• «Змена шахцёраў» (1931),
• «Чапаеў» (1936),
• «Дзе сын?» (1936),
• «Перад баевым заданнем» (1941 — 42),
• «Вяртанне з палявых работ» (1948),
• «Вечар на рэйдзе» (1950),
• «Рыбакі з возера Нарач» (1957),
• «Яны стаялі насмерць» (1964),
• «Рэйд Льва Даватара» (1965),
• «На зямлі, на моры і ў небе» (трыпціх, 1965),
• «Прысяга народных мсціўцаў» (1967),
• «Перад бурай» (1969),
• «Чырвоныя эскадроны» (1970),
• «Салдаты. Тры пакаленні» (1978).

У творчай спадчыне мастака таксама партрэты (у тым ліку партрэт народнай артысткі БССР Ірыны Фларыянаўнаы Ждановіч) і лірычныя пейзажы.

У 1930—я гады працаваў у кніжнай графіцы. Ім былі зроблены малюнкі да наступных кніг:

• «Як памёр Дзянка» (1931, вокладка і ілюстрацыі),
• Чарняўская Л. «Лявоніха» (1932, ілюстрацыі),
• Чарняўская Л. «Перамога» (1932, ілюстрацыі),
• Ліпман Н. «Далёкаўсходняя» (1932, вокладка),
• Маршак С. «Вайна з Дняпром» (1934, ілюстрацыі),
• Барто А. «Брацікі» (1935, ілюстрацыі)^[1].

Сярод станковых графічных работ вылучаецца малюнак вугалем «Партызан» (1952)^[2].

Прымаў удзел ў мастацкіх выстаўках з 1931 г. Персанальная выстаўка была праведзена ў г. Мінску ў 1973 г.

З 27 мая па 28 чэрвеня 2011 года карціны Абрама Заборава экспанаваліся ў Нацыянальным мастацкім музеі Рэспублікі Беларусь у складзе выстаўкі «І даўжэй веку…»^[3].

• Художники Советской Белоруссии / редкол.: В. И. Версоцкий, Н. И. Гончаров, Н. Т. Гутиев и др. — Мн.,: Беларусь, 1976. — 400 с. — 18 000 экз.