Адрыян Межаеўскі

Адрыян Межаеўскі
Адрыян Межаеўскі
Агульная інфармацыя
Нарадзіўся	6 лістапада 1986 (38 гадоў); Ольштын, Альштынскае ваяводства, Польшча;
Грамадзянства	Польшча;
Рост	177 см
Пазіцыя	паўабаронца
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ;
	Медыяфайлы на Вікісховішчы

Адрыя́н Межае́ўскі (польск.: Adrian Mierzejewski; нар. 4 лістапада 1986, Ольштын, Польшча) — колішні польскі футбаліст, паўабаронца. Мае на сваім рахунку матчы ў складзе нацыянальнай зборнай Польшчы.

Кар’ера

Клубная

Адрыян з'яўляецца выхаванцам футбольнай школы клуба «Накі» з Ольштына. Увесну 2003 года прабіўся ў асноўны склад клуба, з якім выступаў да канца сезона. Узімку 2004 года перайшоў у плоцкую «Віслу», з якой у сезоне 2005—2006 гадоў атрымаў перамогу ў Кубку Польшчы. Узімку 2007 года перайшоў у сасноўскае «Заглэмбе», аднак па заканчэнні сезона вярнуўся назад у Плоцк. 22 снежня 2008 года заключыў трохгадовы кантракт са сталічнай «Палоніяй», 5 снежня 2010 года як ігрок варшаўскага клуба стаў уладальнікам прыза «Найлепшы ігрок лігі 2010 года» паводле версіі выдання «Piłka Nożna»^[4].

З чэрвеня 2011 года выступаў за турэцкі клуб «Трабзанспор», куды перайшоў за 5,25 млн еўра^[5]. Гэты трансфер стаў самым дарагім у гісторыі Польскай экстракласы^[6], да гэтага моманту самым дарагім іграком, быў Роберт Левандоўскі, які каштаваў да сыходу 4,5 млн еўра.

20 чэрвеня 2014 года Межаеўскі падпісаў кантракт з клубам «Аль-Наср» з Саудаўскай Аравіі тэрмінам на 3 гады^[7].

Міжнародная

Першы матч за зборную Польшчы правёў 1 сакавіка 2010 года ў гульні супраць зборнай Балгарыі, Адрыян замяніў Лукаша Пішчака. Першы гол забіў 5 чэрвеня 2011 года ў браму зборнай Аргенціны і прынёс польскай камандзе перамогу з лікам 2:1.