Войцех Шчэнсны

Войцех Шчэнсны
Войцех Шчэнсны
	; Войцех Шчэнсны, 2018 год
Агульная інфармацыя
Поўнае імя	Войцех Томаш Шчэнсны
Мянушкі	Чалавек-павук
Нарадзіўся	18 красавіка 1990 (35 гадоў); Варшава, Варшаўскае сталічнае ваяводства, Польшча;
Грамадзянства	Польшча
Рост	196 см
Вага	90 кг
Пазіцыя	брамнік
Інфармацыя пра клуб
Клуб	Ювентус
Нумар	25
Маладзёжныя клубы
2004—2006	Агрыколя (Варшава)
2005	→ Легія (Варшава)
2006—2008	Арсенал
Клубная кар’ера
2017—	Ювентус
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 19 ліпеня 2017. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 19 ліпеня 2017 ;
	Медыяфайлы на Вікісховішчы

Войцех Томаш Шчэнсны (польск.: Wojciech Tomasz Szczęsny; нар. 18 красавіка 1990, Варшава, Польшча) — польскі футбаліст, брамнік італьянскага клуба «Ювентус» і нацыянальнай зборнай Польшчы. Сын былога брамніка зборнай Польшчы, Мацея Шчэнснага.

Клубная кар’ера

З’яўляецца выхаванцам клуба «Агрыкола» з Варшавы. Але ў 15 гадоў так уразіў сабой трэнераў «Легіі», што яны дазволілі яму трэніравацца ў іх лагеры. У 2006 годзе Шчэнсны перайшоў у «Арсенал». З’яўляючыся спачатку па сутнасці чацвёртым галкіперам клуба ў сезоне 2011/12 здолеў стаць асноўным брамнікам.

Улетку 2014 года склад «Арсенала» папоўніў калумбійскі брамнік Давід Аспіна, які пазней выцесніў Шчэнснага з асновы. Пасля набыцця «кананірамі» ў чэрвені 2015 года вопытнага Петра Чэха, Шчэнсны ўжо не меў шанцаў на месца ў складзе. 29 ліпеня 2015 года было абвешчана аб пераходзе Войцеха ў «Рому» на правах гадавой арэнды^[3]. У складзе «Ромы» стаў асноўным брамнікам. Улетку 2016 года арэнда была падоўжана яшчэ на адзін сезон.

У ліпені 2017 года перайшоў у «Ювентус»^[4].

Міжнародная кар’ера

У верасні 2009 года трэнер галоўнай нацыянальнай зборнай Польшчы трымаў Войцеха на прыкмеце перад матчамі з Паўночнай Ірландыяй і Славеніяй. Аднак, з-за таго што ніхто з трох галкіпераў зборнай не выпаў з абоймы дэбют быў адкладзены. 18 лістапада 2009 года Войцех здзейсніў паўнавартасны дэбют у таварыскім матчы з Канадай, выйшаўшы на замену на 46 хвіліне, і абараніўшы браму затым «на нуль»; матч скончыўся з лікам 1:0 на карысць палякаў.