Алег Аркадзьевіч Гарбуноў

Алег Аркадзьевіч Гарбуноў
Алег Аркадзьевіч Гарбуноў
дэпутат Палаты прадстаўнікоў Нацыянальнага сходу Рэспублікі Беларусь[d]
	3 мая 1996 — 9 студзеня 2001
дэпутат Вярхоўнага Савета Беларусі
	1995 — 1996
Нараджэнне	5 жніўня 1962 (62 гады); Віцебск, Віцебская вобласць, Беларуская ССР, СССР;
Партыя	Рэспубліканская партыя працы і справядлівасці; Ліберальна-дэмакратычная партыя; Камуністычная партыя Беларусі;
Адукацыя	Дзяржаўны ўніверсітэт Малдовы; Акадэмія кіравання пры Прэзідэнце Рэспублікі Беларусь;
Месца працы	ААТ Вiцязь; БелЭкспа;

Алег Аркадзьевіч Гарбуноў (5 жніўня 1962, Віцебск) — беларускі палітык. Капітан ІІІ рангу, гідраакустык.

Дэпутат Вярхоўнага Савета Рэспублікі Беларусь 13-га склікання (1995—1996), дэпутат Палаты прадстаўнікоў Нацыянальнага сходу Рэспублікі Беларусь 1 склікання.

Біяграфія

Нарадзіўся 5 жніўня 1962 года ў Віцебску.

Скончыў Малдаўскі дзяржаўны ўніверсітэт, Акадэмію кіравання пры прэзідэнце Рэспублікі Беларусь, юрыст, менеджэр-эканаміст.

Працаваў слесарам Віцебскага тэлевізійнага завода, на прадпрыемствах і арганізацыях Кішынёва, на працягу сямі гадоў праходзіў ваенную службу на Паўночным флоце на атамнай падводнай лодцы.

Быў старшыней Таварыства беларуска-ліванскага сяброўства. Дэпутат Вярхоўнага Савета Рэспублікі Беларусь 13-га склікання (1995—1996), быў там адзіным прадстаўніком Ліберальна-дэмакратычнай партыі Беларусі, пазней выйшаў з ЛДПБ. Абраны дэпутатам Палаты прадстаўнікоў Нацыянальнага сходу Рэспублікі Беларусь 1 склікання, быў членам Камісіі па міжнародных справах і сувязях з СНД.

У 2018 годзе працаваў дырэктарам НВПУП «Эліён-9», балатаваўся ў дэпутаты Мінскага гарадскога Савета дэпутатаў дваццаць восьмага склікання ад Камуністычнай партыі Беларусі^[1].

Цяпер працуе намеснікам дырэктара Нацыянальнага выставачнага цэнтра «БелЭкспа»^[2].