Рэспубліканская партыя працы і справядлівасці

Рэспубліканская партыя працы і справядлівасці
Рэспубліканская партыя працы і справядлівасці
	; Лагатып партыі
Лідар	Аляксандр Аляксандравіч Сцяпанаў[d], Васіль Васілевіч Задняпраны і Аляксандр Мікалаевіч Хіжняк[d]
Дата заснавання	26 чэрвеня 1993
Штаб-кватэра	220004, Мінск, пр-т Пераможцаў, 23/3, пакой 205
Краіна	Беларусь;
Ідэалогія	Сацыял-дэмакратыя, дэмакратычны сацыялізм
Колькасць членаў	1584 (2004); больш за 8 тыс. (2013)
Дэвіз	«Праца і справядлівасць — вечныя каштоўнасці чалавецтва»
Месцаў у Мясцовыя Саветы дэпутатаў	127 / 18110
Месцаў у Палаце прадстаўнікоў	6 / 110
Постаці	члены партыі ў катэгорыі (19 чал.)
Сайт	rpts.by

Рэспубліканская партыя працы і справядлівасці (РППС) — палітычная партыя Беларусі. Падтрымлівае рэжым Лукашэнкі^[4].

Гісторыя

Партыя створана на Устаноўчым сходзе 26 чэрвеня 1993 г. на базе Беларускага таварыства інвалідаў па зроку^[5]. Сярод заснавальнікаў партыі былі такія асобы, як А. Нятылькін, І. Лучанок, І. Антановіч, У. Гасцюхін, Я. Бабосаў і інш. 18 жніўня 1994 г. партыя зарэгістравана Міністэрствам юстыцыі^[1] (пасведчанне № 026).

На II-м з’ездзе былі прыняты змены і дапаўненні ў Праграму і Статут партыі. 31 сакавіка 1995 партыя перерэгістравана Міністэрствам юстыцыі (пасведчанне № 067).

У 2006, нягледзячы на тое, што колькасць членаў партыі складала 1120 членаў, партыя не мела сваіх абласных аддзяленняў. На самой справе колькасць актыўных членаў складала ўсяго каля 200 чал.^[6]

На парламенцкіх выбарах 2008 ад партыі балатаваліся тры кандыдата: Мікалай Мікалаевіч Руеў (Гомельская-Цэнтральная выбарчая акруга № 33), Аляксандр Васільевіч Грамыка (Гомельская-Навабеліцкая выбарчая акруга № 36) і Пётр Мікалаевіч Усціменка (Гомельская сельская выбарчая акруга № 37). Ні адзін з кандыдатаў не атрымаў дастатковай колькасці галасоў: адпаведна — 5 230 (11 %), 8 154 (16,1 %) і 9 379 (15,9 %)^[7].

На парламенцкіх выбарах 2012 партыя вылучыла 8 кандыдатаў, з якіх толькі 1 быў абраны дэпутатам.

У 2014 годзе партыя падтрымала рэферэндум у Крыме і анексію Крыма Расіяй^[8].

У 2018 годзе па выніках выбараў у мясцовыя Саветы дэпутатаў 28 склікання першае месца па агульнай колькасці абраных дэпутатаў заняла КПБ, набраўшы 309 дэпутацкіх мандатаў. Другое месца і 127 месцаў у РППС.