Алена Пятровіч

Алена Пятровіч
Алена Пятровіч на старце продажаў беларускага перакладу кнігі «Гары Потэр і філасофскі камень» 14 снежня 2019 года
Асабістыя звесткі
Дата нараджэння	1985
Месца нараджэння	Віцебск, Віцебская вобласць, Беларуская ССР, СССР[1]
Грамадзянства	Беларусь
Муж	Уладзімір Лянкевіч
Альма-матар	філалагічны факультэт БДУ Беларускі Калегіюм
Прафесійная дзейнасць
Род дзейнасці	перакладчыца
Мова твораў	беларуская
Прэміі	прэмія імя Карласа Шэрмана (2021)

Але́на Пятро́віч, па нараджэнні Алена Уладзіміраўна Пятровіч, у шлюбе Лянкевіч (нар. 1985, Віцебск) — беларуская перакладчыца.

Скончыла філалагічны факультэт БДУ ў 2008 годзе і магістратуру пры ім у 2009 годзе. З 2006 года наведвала Беларускі Калегіум і Перакладніцкую майстэрню.

Да 2020 года жыла ў Мінску.

У шлюбе з паэтам Уладзем Лянкевічам^[2].

Перакладае з польскай, украінскай, англійскай і чэшскай моў. Пераклады друкаваліся ў часопісах «Паміж», «Дзеяслоў», «ARCHE».

Лаўрэатка арганізаваных беларускім ПЭН-цэнтрам літаратурных конкурсаў імя Уладзіміра Караткевіча (2005) і Карласа Шэрмана (2009). У апошнім з іх перамагла як перакладчыца казкі «Акадэмія доктара Клякса» (Akademia pana Kleksa) Яна Бжэхвы. Пераможца прэміі імя Карласа Шэрмана 2021 года ў намінацыі «пераклад дзіцячай кнігі» за кнігу Гары Потэр і Таемная зала (англ.: Harry Potter and the Chamber of Secrets) Джаан Роўлінг^[3].

• Багдан-Ігар Антоныч
  • І неба падае на хаты…. Вершы.
  • Аўтабіяграфія. Вершы.
  • Элегія пра персцень песні
• Станіслаў Ігнацы Віткевіч
  • Шаўцы (Szewcy). П’еса.
• Рышард Капусцінскі
  • «Падарожжы з Герадотам» (Мн., Логвінаў, 2009)
• Артур Конан Дойл
  • Гісторыя лэдзі Сенакс (The Case of Lady Sannox). Апавяданне.
  • Вусцішны пакой (The Nightmare Room). Апавяданне.
  • Жоўты твар
  • Высакародны кавалер
• Міхаіл Кузьмін
  • Роздумы і неўразуменні Пятра Пустэльніка Эсэ.
• Адам Міцкевіч
  • Даследаванні славянскіх старажытнасцей
• Джэймс Дуглас Морысан
  • Голас Змея. Вершы.
  • Аўтаінтэрв’ю
• (Гектар Х’ю Манро) Сакі
  • Яны ніколі не робяць пакупак — Апавяданне.
• Анджэй Тшэбіньскі
  • Каб падняць ружу…. П’еса.
• Сара Тысдэйл
  • Мая любоў — бяз міру…. Вершы.
• Оскар Уайльд
  • Сфінкс без загадкі. Апавяданне.
• Данііл Хармс
  • Па-першае і па-другое. Апавяданні для дзяцей.
  • Адам і Ева (Адам и Ева). Вадэвіль.
• Грыцько Чубай
  • Я — трава. Вершы.
• Джаан Роўлінг
  • Гары Потэр і філасофскі камень
  • Гары Потэр і Таемная зала
  • Гары Потэр і вязень Азкабана
  • Гары Потэр і Келіх агню (2025)
• Яраслаў Гжэндовіч
  • Гаспадар Ледзянога саду. Том 1
  • Гаспадар Ледзянога саду. Том 2

• Блог Алены Пятровіч у ЖЖ (нявызн.). piatrovich.livejournal.com. Праверана 1 мая 2025.
• Старонка Алены Пятровіч на Prajdzisvet (нявызн.). prajdzisvet.org. Праверана 1 мая 2025.
• У “Доме літаратара” Іван Пташнікаў, Марыя Мартысевіч, Алена Пятровіч  (бел.). Радыё Свабода (8 мая 2009). Праверана 1 мая 2025.