Альберт Аляксандравіч Шульц

Альберт Аляксандравіч Шульц
Род дзейнасці	інжынер, дзяржаўны служачы
Дата нараджэння	1835
Месца нараджэння	мерк. Гродна, Гродзенскі павет, Гродзенская губерня, Літоўскае генерал-губернатарства, Расійская імперыя
Дата смерці	8 верасня 1902(1902-09-08)
Месца смерці	Альхова, Цітвянская воласць, Ігуменскі павет, Мінская губерня, Расійская імперыя
Месца пахавання	Узляны
Грамадзянства	Расійская імперыя
Веравызнанне	каталіцтва
Месца працы	Міністэрства шляхоў зносін Расійскай імперыі[d]
Альма-матар	Інстытут інжынераў шляхоў зносін[d]
Член у	Рускае геаграфічнае таварыства
Узнагароды і прэміі

Альберт Аляксандравіч Шульц (польск.: Albert Szulc; 1835^[1] — 8 верасня 1902^[2], маёнтак Альхова, Цітвянская воласць, Ігуменскі павет, Мінская губерня) — інжынер шляхоў зносін на Беларусі за часамі Расійскай імперыі, дзяржаўны служачы, правадзейны стацкі саветнік (1893).

Верагодна, паходзіць з Гродні^[3], рыма-каталік. Меў брата Антона, таксама служачага пры Міністэрстве шляхоў зносін, правадзейнага стацкага саветніка з 1893 года^[4].

Выпускнік Санкт-Пецярбургскага інстытута шляхоў зносін, на службе пры Міністэрстве шляхоў зносін з 1856 года^[4]. На 1869 год старшыня 5-га аддзялення Ведамства праўлення 9-й акругі шляхоў зносін у мястэчку Целяханы, надворны саветнік^[5].

З 1871 года член супрацоўнік Рускага геаграфічнага таварыства^[6]. Аўтар выдання праекта паляпшэння Агінскай воднай сістэмы ў 1872 годзе^[1]. На 1873 год калежскі сакратар Альберт Шульц быў правадзейным членам Мінскага губернскага статыстычнага камітэта^[7].

Памёр у маёнтку Альхова Ігуменскага павета^[2], пахаваны на могілках ва Узлянах.

Меў дачку Марыю-Людвіку Альбертаўну Шульц, якая пабралася шлюбам з Аляксандрам-Марцінам Дыякевічам (сынам Мацея Дыякевіча, уласнікам маёнтка Альхова на 1903 год^[8])^[9].

Кавалер ордэна Святога Станіслава 3-й ступені^[5].

• Шульцъ, Альбертъ Александровичъ. Проэктъ улучшенія Огинской водной системы. — Отд. оттиск: Журн. М-ва путей сообщ., 1872. — 53 с., 1 карт. с.

• Яўген Глінскі. Дыякевічы, Дзіякевічы // Гербоўнік беларускай шляхты. Т. 5. Д / Я. С. Глінскі [і інш.]; навук. рэд. А. Рахуба. — Мінск : Беларусь, 2018. — С. 663—664. — 847 с. — ISBN 978-985-01-1252-1.
• Памятная книжка Минской губерніи на 1870 годъ. — Минскъ: Издана при канцеляріи Губернскаго правленія, 1870.
• Памятная книжка Минской губерніи на 1874 годъ. — Минскъ: Печатано въ Минской губернской типографіи, 1873.
• Приложеніе. Списокъ землевладѣльцевъ Минской губерніи, владѣющихъ 500 десятин. земли и болѣе // Памятная книжка Минской губерніи на 1904 г.. — Минскъ: Изданіе Минскаго губернскаго статистическаго комитета, 1903.