Аляксандр Аляксандравіч Церахаў

Аляксандр Церахаў
Аляксандр Церахаў
	17 лістапада 2014 — 3 чэрвеня 2020
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў; Сяргей Румас
Папярэднік	Андрэй Шорац
Пераемнік	Андрэй Хмель
Нараджэнне	1978; Гомель, Гомельская вобласць, БССР, СССР;
Адукацыя	Гомельскі дзяржаўны дарожна-будаўнічы каледж[d] (1997); БелДУТ (2004); Акадэмія кіравання пры Прэзідэнце Рэспублікі Беларусь (2011);

Аляксáндр Аляксáндравіч Цéрахаў (1978, Гомель, БССР) — беларускі палітык, Міністр жыллёва-камунальнай гаспадаркі Беларусі (2014—2020).

Біяграфія

Нарадзіўся ў 1978 годзе ў Гомелі. У 1997 годзе скончыў Гомельскі дарожна-будаўнічы тэхнікум, у 2004 годзе — Беларускі дзяржаўны ўніверсітэт транспарту, у 2011 годзе — Акадэмію кіравання пры Прэзідэнце Рэспублікі Беларусь.

У 1999—2006 гадах працаваў на розных пасадах у ААТ «Будаўніча-мантажны трэст — 27». З 2006 па 2011 год працаваў на пасадах намесніка начальніка, першага намесніка і начальніка ўпраўлення жыллёва-камунальнай гаспадаркі Гомельскага аблвыканкама^[1].

У 2011-2014 гадах — першы намеснік Міністра жыллёва-камунальнай гаспадаркі^[1].

Назначаны Міністрам жыллёва-камунальнай гаспадаркі Рэспублікі Беларусь 17 лістапада 2014 года^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь.^[3], а 17 снежня 2015 года ўказам Прэзідэнта № 500 зноў зацверджаны на пасадзе міністра^[4]

3 чэрвеня 2020 года зняты з пасады Міністра жыллёва-камунальнай гаспадаркі Рэспублікі Беларусь.